Үкімет резервінен 20 миллиард теңгеге жуық қаржы елімізде кезектен тыс президент сайлауын ұйымдастыруға жұмсалады. Бұл туралы 8 қыркүйекте журналистерге Қаржы вице-министрі Татьяна Савельева хабарлады.

Ол келесі президенттік сайлау 2024 жылға жоспарланғанын және оны қаржыландыру 2024 жылға арналған бюджетке енгізілгенін еске салды.

«Бірақ енгізілген өзгерістер мен жаңа тапсырмаларды ескере отырып, биыл үкімет резервінен ақша бөлінеді. Қазір ОСК есеп-қисап жүргізіп жатыр. Бұл шамамен 20 миллиард теңге», - деді ол.

Оның айтуынша, президенттік сайлауға кететін шығындардың артуы ең төменгі жалақының өсуімен байланысты.

Татьяна Савельева аумақтық сайлау комиссияларының барлық шығындарының 90%-ға жуығы оның мүшелерінің жалақысы есебінен қамтамасыз етілетінін атап өтті. Өткен сайлауға 65 мың адам қатысқан болса, биыл 70 мыңнан асады.

«Олардың жалақысы ең төменгі жалақыны ескере отырып есептеледі. Біз 2019 жылы сайлау өткізгенде 42 500, биыл 60 000 болды», - деді Савельева.

Қаржы вице-министрі 2023 жылғы парламенттік сайлауға шамамен осыншама шығын қарастырылғанын, бірақ ең төменгі жалақы мөлшерінің 70 мың теңгеге дейін ұлғаюын ескере отырып, келесі жылғы сайлауға жұмсалатын шығыстардың жалпы сомасын айтты, шамамен 25 млрд теңгеге болжануда.