Микроқаржылық қызметті жүзеге асыратын ұйымдардың (бұдан әрі – МҚҚЖҰ) активтері биыл 1-тоқсанда 7,1% немесе 149 млрд теңгеге (2022 жылғы өсім - 34,4%) өсіп, 2023 жылғы 1 сәуірде  2,3 трлн теңгені құрады. Активтердің артуы микроқаржы ұйымдары кредиттік портфельдің өсуімен байланысты.

МҚҚЖҰ құрылымында активтердің ең көп бөлігі микроқаржы ұйымдарына – 1 194 млрд теңге немесе 52,8%, кредиттік серіктестіктер – 792 млрд теңге немесе 35,0%, ломбардтар – 274 млрд теңге немесе 12,1% тиесілі.

МҚҚЖҰ-ның несие портфелі биылғы 1-тоқсанда 4,2% 2,2 трлн теңгеге дейін өсті (2022  жылғы өсім – 50,9%).

Заңды тұлғаларға берілген қарыздар 2023 жылғы 1-тоқсанда 1,2% 741 млрд теңгеге дейін ұлғайды (2022 жылғы өсім – 112,8%).

Жеке тұлғаларға берілген қарыздардың көлемі ағымдағы жылғы 1-тоқсанда 4,6% ұлғайып, 2023 жылғы 1 сәуірде 1,2 трлн теңгені құрады (2022 жылғы өсім – 30,8%). Дара кәсіпкерлерге берілген қарыздар 12,1% 256 млрд теңгеге дейін өсті (2022 жылғы өсім – 30,4%).

Биыл 1-тоқсанда МҚҚЖҰ портфелі сапасының жақсаруы байқалады. Осылайша, МҚҚЖҰ портфеліндегі 90 күннен астам мерзімі өткен (NPL90+) қарыздардың деңгейі 2023 жылғы 1 сәуірде 3,2%-ды құрады (01.01.2023 ж – 3,6%). Жеке тұлғалардың портфелінде бұл көрсеткіш 4,6%-ды құрады (01.01.2023 ж – 6,2%).

2023 жылғы 1 сәуірге МҚҚЖҰ-ның міндеттемелері 8,4% 1,6 трлн теңгеге дейін өсті (2022 жылғы өсім – 47,3%). Қорландыру құрылымындағы негізгі үлес алынған қарыздарға тиесілі болады, олардың үлесі жиынтық міндеттемелердің 82,8%-ын немесе 1,3 трлн теңгені құрайды.

МҚҚЖҰ-ның 2023 жылғы 1 сәуірдегі меншікті капиталы тоқсан ішінде 3,6% ұлғайып, 650 млрд теңгені құрады (2022 жылғы өсім – 11,3%).