Нарықтың қарқынды өсуі және қала өміріндегі такси рөлінің артқан жағдайында форум – өзекті мәселелерді талқылауға және одан әрі дамуды жоспарлауға арналған платформа болады. Бұл нарықтық аналитика алуға, қаржыландыру мен сақтандыруды талқылауға, саланың даму перспективаларын зерттеуге және бизнес үшін жаңа жарнамалық мүмкіндіктерді пайдалануға болатын бизнес пен мемлекет арасындағы диалогқа арналған орын.

Форум ұйымдастырушысы – «Қазақстанның таксомотор және жалға беру саласы қауымдастығы» республикалық қоғамдық бірлестігі, оның құрамына еліміздің ірі таксопарктері, лизингтік компаниялар мен банк, сондай-ақ ірі автодилерлер кіреді.

Форумның технологиялық серіктесі — Яндекс Про, тапсырыстарды қабылдайтын және сапарларды орындайтын такси жүргізушілері мен курьерлеріне арналған кәсіби қосымша.

Форумға келушілер бизнес пен мемлекет арасындағы диалог пен өзара іс-қимылға арналған ірі платформаға қатысады, онда сала үшін маңызды мәселелер мен оны одан әрі дамыту үшін шешімдерді талқылайды. Қатысушылар жаңа тенденциялар мен инновациялар туралы ақпарат алады, такси нарығының ағымдағы сын-қатерлерін және оның өсу перспективаларын жетекші сарапшылармен талқылай алады. Спикерлердің қатарында нарықтың негізгі ойыншылары, мемлекет қайраткерлері мен жетекші сарапшылар бар, олар өз білімдерімен бөлісуге және бизнес-процестердің ілгерілеуі үшін нақты шешімдер ұсынуға дайын.

Форумда талқыланатын тақырыптар:

• Такси нарығын реттеудің жоспарлары мен болашағы
• Қазақстандағы такси нарығының болашағы
• Салық салу және таксидегі платформалық жұмыспен қамту
• Автопарктерді такси көліктерімен қамтамасыз ету
• Тұтынушылардың қауіпсіздігін қамтамасыз ету мәселелері
• Такси саласын қаржыландыру және сақтандыру
• Алматы қаласы таксомоторлық паркін электрлендіру

Форумның спикерлері:

Жеңіс Мұқиев – Қазақстанның Таксомотор саласы Қауымдастығының төрағасы, Тайыр Байдүйсен – Қазақстандағы Яндекс Go басшысы, Ұлыбек Қиманов – урбанист, Q88 қауымдастығының мүшесі, ҚР Президенті жанындағы жастар кадр резервінің құрамына кіреді, Азамат Керімбаев – Freedom Finance Insurance СК АҚ Басқарма төрағасы.

Іс-шараның аудиториясы – ҚТЖБҚ-ның 1000-нан астам мүшесі және ірі такси парктерінің, агрегаторлардың, автомобиль және лизингтік компаниялардың, автомобиль бөлшектерінің брендтерінің өкілдері.

Форум 28 қарашада Алматыда, «Атакент» ҚІЫО-ның 10 павильонында өтеді.

Тіркеудің басталуы 09:30-де.

Іс-шараға билетті форум сайтынан сатып алуға болады.