Халық банкінің басшысы Үміт Шаяхметова теңгені қазіргі жағдайы туралы айтты, деп хабарлайды LS. 

"Долларландыру туралы, сосын рубльдену туралы айттық. Бұл жерде теңгеге деген сенім, яғни айырбас бағамы қаншалықты тұрақты, девальвация жоқ және теңгедегі қаражатты қайтару үшін базалық мөлшерлеме туралы мәселе бар. Базалық мөлшерлеме адекватты болуы керек. Бүгінгі таңда теңгемен немесе теңгелік активтерге инвестиция салу, әсіресе орта және ұзақ мерзімді кезең үшін айтарлықтай қауіпті. Индексі жақсы. Бірақ бұл ретте ұлттық валютаның күші болуы керек екенін түсіну керек. Теңгені емес, экономиканы қолдау керек. Тауарымыз бен экспортымыз ұлттық валютамен жүруі үшін, ең болмағанда ЕАЭО аумағында бәсекеге қабілетті болуымыз керек. Батысқа мұнай мен газды долларға сатып жатып теңгенің бәсекеге қабілеттілігін арттыру туралы айту утопия», - деді банкир.

Халық банкінің басшысы бүгінде теңгенің төлем және жинақтау құралы ретінде пайдаланылып жатқанын, бірақ мұның барлығы қысқа мерзімде екенін қосты. Ұзақ мерзімді перспективаларға келетін болсақ, бұл теңгеге сенім айтарлықтай емес. 

Әңгіме барысында ол ЕАЭО аясындағы ынтымақтастық мәселесіне де тоқталды.

Шаяхметова Халық банкінің несие алушы-клиенттерінің ақпаратына сілтеме жасай отырып, оларға өз өнімдерімен Ресей нарығына шығу қиынға соққанын атап өтті. Бұл ретте көрші елдің тауарларын қазақстандық супермаркеттер сөрелерінен табу оңай. Ал жергілікті кәсіпкерлерге техникалық және бюрократиялық шектеулер кедергі болды.

"Осы жылдың басында Ресей санкция салған соң Қазақстанға тауар жеткізуді біржақты тоқтатты, келісімшарттарды бұзды. Мысалы, сол қант. Тіпті келісімшарттары бойынша төлеген тұтынушылар да өнімді ала алмаған", - деді ол.

Шаяхметова одан әрі «Бәйтерек» холдингінің Сбербанк Қазақстанды («Береке банк») сатып алуына қатысты түсініктеме берді. Ол «Отбасы» мен ҚДБ-дан басқа мемлекет бұдан былай қаржы институттарын сақтамайтыны және банктерге кірмейтіні туралы бірнеше рет хабарланғанын еске салды.