Қазақтелеком 2023 жылдың I тоқсанының қорытындысы бойынша қаржылық есебін жариялады.

Компаниялар тобының табысы 17% артып, 167 млрд теңгеден асты (2022 жылдың I тоқсанының қорытындысы бойынша 143 млрд теңге).

Таза пайда өз кезегінде 14% ұлғайып, 33,3 млрд теңгені құрады (2022 жылдың I тоқсанының қорытындысы бойынша 29,2 млрд теңге).

EBITDA көрсеткіші 21%-дан астамға жақсарды, ал оның кіріске қатысты пайдалылығы өткен жылдың сәйкес кезеңінің қорытындылары бойынша 47%-бен 49%-ды құрады.

Биыл I тоқсанда телеком-оператордың кең жолақты қолжетімділіктегі клиенттік базасы 6 мың клиентке – қалаларда 2,7 мың және ауылдық елді мекендерде 3,3 мың абонентке өсті. Сонымен қатар, еліміздің 136 ауылында порт сыйымдылығын кеңейту жөніндегі жобаны іске асыру есебінен 10 мыңнан астам порттар саны ұлғайтылды, республиканың елді мекендерінде қосылуға 2,8 мың өтінім қабылданды және бұл көрсеткіш өсуін жалғастыруда.