Биыл қаңтар айында Қазақстан мен Ресей арасындағы тауар айналымы 2 млрд АҚШ долларына жетті, бұл бір жыл бұрынғыдан 17,6% артық.

Тауар айналымының басым бөлігін импорт құрады: жыл басынан бері Қазақстан Ресейден 1,1 млрд АҚШ долларының тауарын импорттады, алайда бұл былтырғымен салыстырғанда 0,5% аз. Ал ҚР-ның РФ-ға экспорты 52,5% өсіп, 869,6 млн АҚШ долларына жетті.

Қазақстанның жалпы тауар айналымы құрылымында Ресейдің үлесі 19,2%, импорт құрылымында – 26,5%, экспорт құрылымында – 14,3%-ды құрады.

РФ-дан ҚР-ғаа импорттың ең танымал санаттары металдар мен олардан жасалған бұйымдар (251,1 млн АҚШ доллары), АӨК өнімдері және азық-түлік өнімдері (213,5 млн АҚШ доллары), сондай-ақ машиналар, құрылғылар мен жабдықтар (203,1 млн АҚШ доллары).

Ал Қазақстан Ресейге химия өнеркәсібінің өнімдерін (320,3 млн АҚШ доллары), машиналар мен жабдықтар (209,5 млн АҚШ доллары), сондай-ақ металдар мен олардан жасалған бұйымдар (147,4 млн АҚШ доллары) көп сатады.

2022 жылдың 1 қазанында Қазақстан резиденттерінің Ресейлік инвесторлар алдындағы міндеттемелері бір жылда бірден 34,2% өсіп, 19,5 млрд АҚШ долларына жетті.

Инвестициялардың көп бөлігі өңдеу өнеркәсібіне бағытталды: 6,6 млрд АҚШ доллары, былтырғымен салыстырғанда құндық мәнде 57,8% көп.

Сауда мен автокөлік жөндеуге (3,9 млрд АҚШ доллары) және қаржы және сақтандыру секторына (3,4 млрд АҚШ доллары) айтарлықтай инвестиция құйылды. Инвесторлар арасында танымал 5 үздік саланың қатарында тау-кен өнеркәсібі, көлік және қойма саласы да бар.

2022 жылғы қаңтар-желтоқсанда Ресейден Қазақстанға тікелей инвестицияның жалпы ағыны 1,5 млрд АҚШ долларын құрады, бұл бір жыл бұрынғыдан 19,7% аз. Анықтама үшін: 2021 жылдың сәйкес кезеңінде көрсеткіш 1,9 млрд долларды құрап, бір жылда 58,8% өскен.

Соңғы апталарда ресейлік компаниялар қазақстандық серіктестеріне Батыстың санкцияларын айналып өтуге және өте қажет тауарларды импорттауға көмектесу туралы өтініш айтуды көбейтті, деп хабарлайды inbusiness.kz Reuters агенттігіне сілтеме жасап. Былтырғы 24 ақпанында Ресей әскерлері Украинаға басып кіргеннен бері көптеген елдер Ресей экономикасына 2,1 трлн АҚШ доллары көлемінде ауқымды санкциялар салып, Мәскеуді технология мен тауарларды импорттаудың уақытша жолдарын іздеуге итермеледі.