«Газпром» басшысы Алексей Миллер бейсенбі, 28 желтоқсанда «Газпромның» Қазақстанмен 15 жылға газ жеткізу туралы келісімшартқа отыратынын айтты.
«Биыл біз тағы бір рекорд орнаттық. Үш айдан астам уақыт ішінде «Орталық Азия – Орталық» жұмыс істемейтін газ тасымалдау жүйесі кері жұмыс режиміне ауыстырылды. Қазақстандық және Өзбекстаннан келген әріптестерімізбен достық жағдайда осындай бірлескен, ұжымдық жұмыстың арқасында біз бұл жобаны қысқа мерзімде жүзеге асырдық. Осылайша, биылғы қыста Орталық Азия республикалары газбен сенімдірек қамтамасыз етіледі», - деді «Газпром» басшысы.
Ол «Орталық Азия-Орталық» дәлізінде газ тасымалдау мүмкіндігін арттырудың екінші кезеңі аясында Қазақстан, Қырғызстан және Өзбекстанға газ жеткізу бойынша 15 жылдық келісімшарт жасалғанын хабарлады.
«2025 жылдың 1 қарашасына қарай біз айтарлықтай үлкен көлемдерді жеткізуді бастауымыз керек. Ал Қырғызстан, Қазақстан және Өзбекстандағы әріптестерімізбен келіскен орта мерзімді он бес жылдық келісім-шарттар келесі жылдың ортасында Санкт-Петербург халықаралық экономикалық форумында жасалады. Ал 2025 жылдың 1 қарашасынан бастап осы келісімшарттар бойынша Орталық Азия республикаларына сенімді, тұрақты жеткізілім басталады», - деді Алексей Миллер.
Еске салайық, 2023 жылдың қаңтарында «Газпром» мен Қазақстан үкіметі газ саласындағы ынтымақтастық бойынша екіжақты жол картасына қол қойған болатын.
2023 жылдың маусымында «Газпром» мен «QazaqGaz» АҚ Өзбекстандағы тұтынушылар үшін ресейлік табиғи газды Қазақстан Республикасының аумағы арқылы тасымалдау қызметтерін көрсету туралы келісімге қол қойды.
2023 жылдың қазан айында Ресейдің табиғи газын Өзбекстандағы тұтынушыларға Қазақстан Республикасының аумағы арқылы жеткізудің басталуына арналған салтанатты шара өтті. Шараға Қасым-Жомарт Тоқаев, Владимир Путин және Шавкат Мирзиёев қатысты. Жеткізу «Орталық Азия – Орталық» газ құбыры жүйесі негізінде арнайы белгіленген бағыт бойынша кері режимде ұйымдастырылады.
1 қарашада Қазақстан Газпроммен табиғи газды тасымалдау, оны өңдеу, геологиялық барлау және басқа да қызмет бойынша стратегиялық ынтымақтастық туралы келісімге қол қойды.