«Самұрық-Қазына» АҚ екі кезеңнен тұратын жаңа ашық конкурс аясында «Qazaq Air» АҚ акцияларының 49%-дан 100%-ға дейін сату бойынша конкурстың басталғанын жариялады. Бұл туралы сейсенбі, 9 қаңтарда қордың баспасөз қызметі хабарлады.

«Конкурстың бірінші кезеңіне конкурстық өтінімдерді қабылдау 2024 жылғы 29 қаңтарда сағат 10:00-де аяқталады. Байқау қорытындысын 2024 жылдың 16 ақпанында шығару жоспарлануда», - деп хабарлады «Самұрық-Қазына».

Еске салайық, 2023 жылдың тамызында «Самұрық-Қазына» Qazaq Air акцияларының 49%-дан 100%-ға дейін сату туралы аукцион жариялаған болатын. 100% акцияның бастапқы бағасы 10,2 млрд теңгені құрады.

«Конкурста жеңіске жеткен инвестордың авиакомпанияны дамытудың стратегиялық жоспары болуы керек, оның ішінде әуе паркін кеңейту, сондай-ақ Qazaq Air-тің «Самұрық-Қазына» қоры алдындағы қарызын өтеу қажет» делінген.

13 қарашада қордың баспасөз қызметі акциялар аясындағы ашық екі кезеңдік конкурс жарамсыз деп танылғанын хабарлады. Жаңа аукционның өтетін күні кейінірек белгілі болатыны нақтыланды.

20 қарашада Астанада өткен баспасөз мәслихатында Қазақстан Республикасының Көлік министрі Марат Қарабаев Қазақстан билігі Qazaq Air акцияларының вьетнамдық Sovico Group холдингіне сату мәселесін қарастырып жатқанын айтты. Министрдің айтуынша, әлеуетті шетелдік инвестормен егжей-тегжейлі келіссөздер қазірдің өзінде басталып кетті.

2015 жылы мемлекет құрған Qazaq Air компаниясының 100% акциясы «Самұрық-Қазына» ұлттық әл-ауқат қорына тиесілі. Qazaq Air-тің 2022 жылға арналған жылдық есебіне сәйкес, компания 6,6 млрд теңгеге жуық шығындалды (2021 жылы шамамен 6,5 млрд теңге).