Statista Market Insights зерттеуінің мәліметтері бойынша, 2024 жылы онлайн білім беру нарығының көлемі 185,2 млрд долларды құрайды, ал 2028 жылға қарай 257,7 млрд долларға дейін өседі. Бұған басқа қалалардан немесе тіпті басқа елдерден оқытушыларды таңдау мүмкіндігі және ыңғайлылығы себеп болып отыр.
Қосымша білім беру бойынша өзекті деректер
Қазақстанда репетиторлық дәстүрлі мектеп білімін толықтырып, оқушыларға академиялық жетістіктерге жетуге, емтихандарға дайындалуға және өз таланттарын дамытуға көмектесетін сұранысқа ие сала болып қала береді.
OLX.kz талдау қызметі ұсынған статистикаға сәйкес, курстар ең үлкен сұранысқа ие – олардың ұсыныстарының саны 146 792 хабарландыруға жетеді. Бұл санат ҰБТ мен олимпиадаларға дайындалудан бастап бағдарламалау, дизайн және басқа да сұранысқа ие дағдыларды үйренуге дейінгі көптеген бағыттарды қамтиды.
Мектеп пәндері бойынша дайындық 50 362 ұсыныспен екінші орында, бұл мектеп бағдарламасын игеруге және емтиханға дайындалуға көмектесудің маңыздылығын көрсетеді. Бұдан әрі шет тілдерін оқыту бойынша ұсыныстар – 27 580 хабарландыру Қазақстандықтардың коммуникативтік мүмкіндіктер мен мансаптық перспективаларды кеңейту үшін тілдерді үйренуге деген ұмтылысын растайды. Жоғары оқу орындарына (1 186 ұсыныс) және колледждерге (136 ұсыныс) түсуге дайындық қызметтері де танымал.
Шығармашылық қабілеттер мен эмоционалды интеллектті дамытуға ықпал ететін музыка сабақтары (9 761 жарнама) репетиторлық салада ерекше орын алады. Егер сіз шетелде оқуды армандайтын болсаңыз, онда шетелде білім алу жөніндегі мамандар (641 ұсыныс) сізге шетелдік жоғары оқу орындарына түсуге дайындалуға және жаңа білім беру ортасына бейімделуге көмектеседі.
9 429 ұсыныспен ұсынылған мектепке дейінгі оқыту баланың болашақ дамуына негіз қалайды. Мектепке дейінгі балаға репетитор таңдағанда, балалармен жұмыс тәжірибесіне және өз ісіне деген сүйіспеншілікке ерекше назар аудару керек.
Репетиторлар кез-келген жас және мамандық өкідеріне көмек көрсетеді. Семинарлар мен тренингтерге дайындық (1 338 хабарландыру) кәсіби өсуге ұмтылатын ересектер арасында сұранысқа ие.
Курстық және дипломдық жұмыстарды жазу (27 185 ұсыныс) — тағы бір танымал қызмет, бірақ этикалық ережелерді сақтау және плагиаттан аулақ болу маңызды.
Репетиторды таңдағанда не нәрсеге назар аударған жөн?
Репетиторды іздеу кезінде ықтимал алаяқтық схемалар туралы хабардар болу және олардың алдын алу үшін шаралар қабылдау маңызды. OLX Kazakhstan қауіпсіздік қызметі командасының мамандардың айтуынша, репетиторды іздеудің ең сенімді жолы-пікірлер мен ұсыныстар болып табылады. Пікірлер таныстардан болса жақсы, бірақ пікірлерді арнайы платформаларда да көруге болады.
Сарапшылардың айтуынша, бірінші кезекте оқытушының біліміне назар аудару қажет. Репетитордың тиісті білімі, дипломдары, сертификаттары және оқу тәжірибесі бар екеніне көз жеткізу керек. Оқу жоспарын толық түсіну үшін OLX.kz мамандары алдын-ала сұхбат жүргізіп, білім беру әдістемесі мен күтілетін нәтижелерді талқылауды ұсынады.
Егер сіз ұзақ мерзімді ынтымақтастықты жоспарласаңыз, барлық оқу шарттарын, кестені және басқа да маңызды мәліметтер ескерілген жазбаша келісім жасасқан дұрыс. Барлық қаржылық мәселелердің нақты көрсетілгеніне көз жеткізіңіз және әсіресе егер сіз осы репетитормен алғаш рет жұмыс жасап отырсаңыз, үлкен соманы алдын-ала төлеуден аулақ болыңыз.
Келісімшартқа қол қоймас бұрын және сабақтарды бастамас бұрын, сізге сәйкес оқу форматы туралы шешім қабылдаңыз. Артықшылықтары мен ыңғайлылығына байланысты бүгінде онлайн/офлайн репетиторлық, көшпелі репетиторлық және мұғалімнің үйінде сабақ алу сияқты оқыту нұсқалары бар. Егер сабақтар офлайн болса, бірінші кездесу үшін қоғамдық орындарды таңдаңыз. Онлайн оқыту кезінде платформа мен байланыс үшін пайдаланылатын бағдарламалық жасақтаманың қауіпсіз екеніне көз жеткізу керек дейді OLX.kz мамандары.
Жақсы репетиторды табу – табысты білім алу жолындағы маңызды қадам. Есіңізде болсын, сапалы білім – бұл сіздің болашағыңызға жасаған инвестиция, сондықтан ең үздіктерді таңдаңыз.