Қайталама тұрғын үй нарығындағы баға қайтадан құлдырады. Статистика бюросы дерегінше, маусымда республика бойынша тұрғын үй құны 0,5% төмендеп, 486,9 мың теңгені құрады. Ал бағаның төмендеуі соңғы 4 айдың 3-інде байқалды (мамырда баға өзгерген жоқ).

Яғни, қайталама нарықтағы баспана ақпан айынан бері қымбаттаған жоқ. Қазір республика бойынша орташа есеппен шаршы метр жыл басындағыдан 2% арзан. Ал бір жыл бұрынғыдан 1,9% қымбат.

Маусымда 6 ірі қалада қайталама нарық арзандады:

• Көкшетау – 4,2%
• Ақтау – 2,5%
• Алматы – 1,2%
• Өскемен, Қарағанды ​​және Қостанай – 0,4%

Бағаның өсуін тек Талдықорған қаласында ғана ресми статистика көрсетіп отыр – 1,1%. Қалған қалалардың барлығында маусым айында қайталама тұрғын үй бағасы өзгерген жоқ.

Жаңа үйлердің бағасы шамалы болса да – 0,2% (жыл басынан бері – 1,7%) өсті. Өсім 4 қалада байқалады:

• Семей – 2,8%
• Шымкент – 2,1%
• Талдықорған – 1,4%
• Ақтау – 0,5%

Көкшетауда жаңа тұрғын үйдің 1 шаршы метрінің құны 3,1% арзандады. Басқа қалаларда ол өзгерген жоқ.

Республика бойынша бір шаршының орташа құны 486,9 мың теңгені құрайды.