Еңбек және халықты әлеуметтік қорғау министрлігі негізгі акционері мемлекет болып табылатын ұлттық компаниялар мен кәсіпорындардың басшы қызметкерлеріне еңбекақы төлеу мен сыйлықақы берудің жаңа тәртібін бекітті. Тиісті үлгі ережені бекіту туралы Министрдің бұйрығы «Юрист» порталында жарияланды.

Жаңа стандартты ереже үкімет 2015 жылы бекіткен бұрынғысын ауыстырады. 13 тамызда күшіне енетін жаңа құжатта кейбір тармақтардағы сыйақы мен сыйлықақы беру шарттарын сипаттайтын редакция өзгертілді.

Атап айтқанда, енді жыл сайынғы сыйақы бұрынғыдай нәтижелі жұмысқа «қызығушылығын арттыру» үшін ғана емес, жылдағы жұмыстың «және қол жеткен табысына» байланысты төленуі керек.

Сонымен қатар, жыл сайынғы бонус төленбеуі де мүмкін.

Құжаттың алдыңғы редакциясында бұл ескерту «жылдық сыйлықақы» түсінігінің сипаттамасында қамтылған, бірақ оны тағайындау шарттарын сипаттайтын абзацта болмаған.