Каспий құбыр консорциумының (КҚК) теңіз терминалы 19 шілдеде дрон шабуылына ұшырады. Шабуыл кезінде Қазақстанның ірі кен орындарынан өндірілген мұнайды тиеп жатқан екі танкер нысанаға алынған.
КТК мәліметінше, шабуыл бірінші және үшінші тиеу айлақтарында тиеу жұмыстары жүріп жатқан кезде болған.
ASIA танкеріне «Теңізшевройл» (Chevron) компаниясының мұнайы тиелген;
NISSOS IOS танкеріне Kashagan B.V. мен «Матен» (ҚазМұнайГаз тобы) өндірген мұнай тиелген.
Шабуыл салдарынан ASIA танкерінде өрт шыққан. Алайда КҚК-ның апат қызметі оны жедел сөндірді.
Консорциумның хабарлауынша:
мұнай тиеу уақытша тоқтатылды;
зардап шеккендер жоқ;
мұнай төгілмеген;
екі танкер де жүзу қабілетін сақтап қалды;
қазір келтірілген залал бағалануда.
Компанияның мәліметінше, бұл – КТК теңіз терминалына жасалған бесінші шабуыл. Консорциум мұндай әрекеттер халықаралық құқық арқылы қорғалатын азаматтық нысанға қарсы бағытталғанын мәлімдеді.
2025 жылы терминал арқылы 70,5 млн тонна мұнай экспортталған. Оның 75%-дан астамы Chevron, ExxonMobil, ҚазМұнайГаз, Eni және Shell секілді ірі компанияларға тиесілі болды.
Осы шабуылдан кейін КҚК мұнай тиеуді уақытша тоқтатып, жағдайды бағалауға кірісті.