Биыл қаңтар-қыркүйекте көмір өндіру өнеркәсібіне салынған инвестиция көлемі 100,8 млрд теңгеге жетті, бұл 2022 жылдың сәйкес кезеңімен салыстырғанда 25% көп (ФУИ – 117,6%). Салаға салынған инвестиция көлемі екінші жыл қатарынан өсіп келеді, бір жыл бұрын өсім 44,3% (ФКИ – 143,6%) болған.

Жалпы, 2022 жылы секторға салынған инвестиция көлемі 130,6 млрд теңгеге жетіп, 2021 жылмен салыстырғанда 1,5 еседен астам өсті.

Биыл қаңтар-қыркүйекте көмір өндіру өнеркәсібінің негізгі капиталына салынған инвестиция кәсіпорындардың өз қаражаты есебінен 100% қамтамасыз етілді. Былтыр сәйкес кезеңде де 100% дерлік меншікті қаражат болған, тек 80,6 млрд теңгенің 3,3 млн теңгесі ғана резидент еместердің банктік емес қарыз қаражатына тиесілі болған.

2023 жылдың екінші тоқсанының қорытындысы бойынша, көмір өндіру өнеркәсібіндегі жұмыскерлер саны 30,5 мың адамды құрады – 2022 жылдың сәйкес кезеңімен салыстырғанда 13,4% өсті. Нақты саны 29,2 мың адамды құрады, бұл бір жыл бұрынғыдан 14,7% артық.

ҚР премьер-министрінің орынбасары Тамара Дүйсенова «АрселорМиттал Теміртау» компаниясына қарасты Костенко шахтасында қаза тапқан кеншілердің жалақысын жариялады. Оның айтуынша, жалақы кеншілердің еңбек өтіліне, біліктілігі мен атқаратын қызметіне қарай 300 мың теңгеден 1,6 млн теңгеге дейін болған.

Сонымен қатар, ҚР СЖРА Ұлттық статистикалық бюросының мәліметі бойынша, 2023 жылдың екінші тоқсанында көмір өндіру өнеркәсібіндегі орташа айлық жалақы 503,9 мың теңгені құрады, бұл орташа республикалық деңгейден 37,9% артық. Бір жыл бұрын алшақтық 32,2% құрады: тиісінше 312 мың теңге және 412,3 мың теңге.