Jusan Bank Қазақтелекомның 983 мың жай акциясын сатып алды, бұл ұлттық байланыс операторының орналастырылған жай акцияларының жалпы санының 9%-ы, деп хабарлайды банктің баспасөз қызметі.

«Акциялар ашық аукцион арқылы сатып алынды. Сатып алу бағасы – сатып алу кезінде KASE-де белгіленген нарықтық баға», - деп түсіндірді банк.

Сондай-ақ банк өз бизнесінде цифрлық құрамдас бөлігі жоғары қаржы институтын құруға бағытталған стратегиясының бір бөлігі ретінде Kcell-дегі қолда бар үлесіне қоса Қазақтелеком акцияларын сатып алғанын хабарлады.

«Қазақтелеком» – кең клиенттік базасы және қызмет көрсетудің жоғары деңгейі бар ұлттық байланыс операторы, сондықтан банк бұл инвестицияны бөлшек бизнесті дамыту стратегиясын одан әрі жүзеге асырудағы қисынды қадам деп санайды», – деп хабарлады банк.

Банк бұған дейін Kcell-мен қызмет көрсету ретінде банктік қызмет (OGO Bank) саласында бірлескен жобаны жүзеге асырған болатын. Сонымен қатар, Jusan тобына телекоммуникация және ақпараттық технологиялар саласында кең ауқымды қызметтерді ұсынатын жетекші байланыс операторы «Jusan Mobile» АҚ кіреді. Банк бұған дейін Tele2/ALTEL желісі негізіндегі Jusan Mobile виртуалды ұялы байланыс операторын іске қосты.

«Қолданыстағы стратегияға сәйкес банк телекоммуникация саласындағы компаниялармен, соның ішінде акционері болып табылатын компаниялармен синергияны пайдалану мүмкіндіктерін іздеуді жалғастырады», – деп түсіндірді банк.