HeadHunter сауалнамасына қатысқан Қазақстан тұрғындарының көпшілігі Excel, Word және PowerPoint офистік бағдарламаларын сарапшылық деңгейде жеткіліксіз меңгергенін мойындайды. Олар сонымен қатар алдыңғы қатарлы цифрлық дағдылардың жоқтығын атап өтеді.

Бір қызығы, Қазақстандағы респонденттердің 90%-ы жасанды интеллект (AI) және нейрондық желілер сияқты технологиялар туралы естіген. Дегенмен, бұл тақырыптарды 10% жақсы біледі, ал тек 2% нейрондық желілер қалай жұмыс істейтінін және олар қандай пайда әкелетінін шынымен түсінеді. Робототехникаға келетін болсақ, оны респонденттердің 6 пайызы ғана түсінеді.

Сауалнамаға қатысушылардың 20%-ы ғана классикалық кеңсе бағдарламаларын сарапшылық деңгейде қолданатынын айтты. Дегенмен, респонденттердің айтарлықтай бөлігі (63%) Excel, Word және PowerPoint бағдарламаларын озық деңгейде пайдаланатынын көрсетті. Бұл ретте әрбір алтыншы (17%) осы бағдарламалар бойынша тек негізгі білімге ие екенін атап өтті.

Сауалнамаға қатысқандардың 3%-ы ғана болашақта сұранысқа ие болатын құзыреттердің бар екенін айтты. Бұл ретте 83%-ы болашақта қажет болатын дағдыларды тек жалпы түсінетінін, бірақ әлі толық игермегенін атап өтті.

Сауалнама Қазақстан тұрғындарының 52%-ы Google Drive және Webex сияқты әртүрлі онлайн ынтымақтастық құралдарын сәтті пайдаланатынын көрсетті. Дегенмен, сауалнамаға қатысушылардың тек 7%-ы жұмыс жобаларын басқаруға арналған құралдарды жоғары деңгейде біледі.