2023 жылғы 28-29 қарашада Алматыда "Қазақстанның авиациялық әкімшілігі" АҚ Азаматтық авиация комитетінің қолдауымен "Ұшу-қону жолағы бетінің жай-күйі туралы деректерді ұсынудың жаһандық форматы - ИКАО GRF" тақырыбында өңірлік семинар өткізеді.

Іс-шараның спикерлері АҚШ Азаматтық авиация федералдық басқармасының (FAA), IATA, Airbus, Әзірбайжан, Грузия азаматтық авиация билігінің мамандары, ҰҚЖ жай-күйін бағалауға арналған жабдықтар мен бағдарламалық қамтамасыз етуді өндірушілер - MOVENTOR Oy, Monitor Soft, "Қазақстанның авиациялық әкімшілігі" АҚ, "Қазаэронавигация" РМК, отандық авиакомпаниялар мен әуежайлар болады. Әзірбайжан мен Грузияның авиациялық билігі GRF-ді азаматтық авиацияға енгізудің бірегей тәжірибесімен бөліседі, ал IATA мамандары ұшу экипаждарын жаңа GRF форматына дайындаудағы заманауи тәсілдер туралы әңгімелейді. 

Іс-шараның алдын ала бағдарламасы мына сайтта жарияланды. 

ИКАО GRF қолданудың негізгі мақсаты әуе кемесін ұшу-қону жолағынан тыс домалату тәуекелдерін азайту болып табылады. GRF енгізу процесі және оны одан әрі қолдану көптеген мәселелерді, соның ішінде ТМД елдері үшін қалдырғанын ескере отырып, аталған семинардың мақсаты - GRF енгізу және қолдану барысында туындаған мәселелерді шешу тәжірибесімен аймақ елдерімен бөлісу.

Қазақстан - ұшу-қону жолағы бетінің жай-күйі туралы деректерді ұсынудың жаһандық форматының стандарттарын 100% енгізу туралы жариялаған ТМД-ның алғашқы елдерінің бірі. Бұл үдерісті "Қазақстанның авиациялық әкімшілігі" АҚ 2021 жылғы қарашада сәтті аяқтады.