«Самұрық-Қазына» қорының шоғырландырылған табысы 2022 жылғы 14,785 трлн-мен салыстырғанда 2024 жылы 17 трлн-нан астам теңгені құрайды, деп хабарлады мемлекеттік холдинг.

«Желтоқсан айының соңында «Самұрық-Қазына» АҚ директорлар кеңесі қордың 5 жылдық бизнес-жоспарын және жылдық бюджетін бекітті. Осылайша, жоспарланған кезеңде қордың стратегиялық көрсеткіштерінің жақсаруы және тұрақты өсуі болжануда. 2024 жылы қордың шоғырландырылған табысы мен активтері тиісінше 17 трлн теңге және 38,7 трлн теңгеден асады деп күтілуде», - делінген хабарламада.

2023 жылдың қаңтар-маусым айларының қорытындысы бойынша, «Самұрық-Қазына» қорының табысы 7,147 трлн теңгеге дейін төмендеді, бұл 2022 жылдың сәйкес кезеңімен салыстырғанда 6,2% төмен. 2022 жылы мемлекеттік холдингтің табысы 14,785 трлн теңгені құрады, бұл 2021 жылмен салыстырғанда 26% артық. Қор 2023 жылға арналған табыс туралы мәліметтерді әлі хабарлаған жоқ.