Жайылым жердің 30%-дан азы пайдаланылса, бос тұрған жер саналып, мемлекетке қайтарылуы керек. Бұрын бұл көрсеткіш 50%-дан аспаса жеткілікті еді.
2026 жылғы шілдеде Жер кодексіне өзгерістер енгізілді, атап айтқанда, түзетулер 92-баптың 4-тармағының 3) тармақшасына қатысты болды. Осы бап мақсаты бойынша пайдаланылмайтын және игерілмеген жер учаскесін меншік иесінен және жер пайдаланушыдан мәжбүрлеп алып қою үшін негіздерді айқындайды.
Нормативтік-құқықтық актілерді өзгерістерге сәйкес келтіру үшін Ауыл шаруашылығы министрлігі шаруа немесе фермер қожалығын, ауыл шаруашылығы өндірісін жүргізу үшін берілген ауыл шаруашылығы мақсатындағы жерлерді пайдалануды ұйымдастыру және мониторинг жүргізу Қағидаларына түзетулер жобасын дайындады. Құжат жайылымның пайдаланылмауын айқындауға арналған шекті көрсеткішті жайылымның жалпы ауданына шаққандағы мал басының барынша рұқсат етілген тығыздығының 50%-нан 30%-ына дейін төмендетеді.