Қазақстан Республикасында тіркелген ресейлік компаниялардың саны 2022 жылдың ақпан айынан бері алғаш рет азайды.

1 тамыздағы жағдай бойынша, меншік иелері Ресей Федерациясынан 23 670 заңды тұлға мен филиал тіркелді. Бұл 1 шілдедегі көрсеткіштен 13 бірлікке аз, деп хабарлайды статбюро.

Бұл құлдырау Украинадағы әскери қақтығыс басталғаннан бері бірінші рет болды. Соңғы рет мұндай компаниялар 2022 жылдың ақпан айының соңында азайды.

Бірақ 2022 жылдың наурыз айынан бастап көрсеткіш тұрақты түрде өсіп отырды. Орташа айлық өсу қарқыны 2022 жылы – 616 бірлікті, 2023 жылы – 342 бірлікті, биыл бірінші жартыжылдықта – 112 бірлікті құрады.

Нәтижесінде Ресей Федерациясынан бізде тіркелген ұйымдардың саны 2022 жылдың басындағы соғысқа дейінгі көрсеткіштен екі есе көп болып отыр. Олардың 80%-ға жуығы, яғни 19,3 мың бірлігі жұмыс істеп тұр.