Биылғы жылдың басында республикада аралас отынмен жүретін 322,4 мың жеңіл автокөлік болды, бұл бір жыл бұрынғыдан 8,5% артық. Мұндай автокөліктердің үлесі ҚР-да тіркелген барлық көліктердің 8,2%-ын құрады, деп хабардайды finprom.kz.

Гибридті көліктер ауаны өндірушілер мәлімдегеннен де көбірек ластайды, деп хабарлайды zakon.kz. Тәуелсіз топтардың сынақтары гибридті көліктер зертхана деректерінен гөрі көп жанармай жағатынын бірнеше рет растады.

Бұл ретте ҚР-да электр қуатымен жұмыс істейтін автокөліктер саны бір жылда 65,4% өсті, дегенмен саны бар болған 812 ғана. Мұндай айтарлықтай өсім 2017 жылдан бері және көрсеткіштің ұзақ мерзімді төмендеуінен кейін алғаш рет байқалды. Дегенмен, ҚР-дағы электрмен жүретін көліктердің үлесі жалпы автокөліктер санының елеусіз 0,02%-ын құрады.

Өңірлер бойынша аралас отынмен жүретін жеңіл автокөліктердің басым бөлігі Маңғыстау облысында тіркелген: 74,3 мың автокөлік – бір жыл бұрынғыдан 3,6% артық.

Екінші және үшінші орында Ақтөбе (35,8 мың, 6,4% көбейген) және Түркістан (23,1 мың, 27,7% көбейген) облыстары орналасқан. Мұндай көліктердің ең азы Ұлытау (барлығы 229), Абай (295) және Жетісу (409) облыстарында тіркелген. Мұндай статистика бұл аймақтардың жақында құрылуымен түсіндіріледі.

Электр көліктерінің басым бөлігі Алматы тұрғындары арасында тіркелген: былтырғы жылдың басында 43-і ғана болса, қазір олардың саны 420. Екінші орында Солтүстік Қазақстан облысы: 108. Үздік үштікті Астана жапты: бір жыл бұрынғы 35 көлікпен салыстырғанда қазір 61 .

Bureau of Transportation Statistics соңғы мәліметтеріне сәйкес, 2021 жылы әлемде 799 мың жаңа бензинмен жүретін жеңіл гибридті көлік сатылды, бұл өткен жылмен салыстырғанда 75,6% көп. Қосылатын гибридті электромобильдер 173,5 мың дана сатылды, бір жылдағы өсім 2,5 есе. Электр көліктерінің сатылымы 459,4 мыңға дейін өсті, бұл бір жыл бұрынғыдан 92,6% артық.

Heycar мәліметтері бойынша 2022 жылы электр көліктерінің сатылымы 40% өседі. Әрбір оныншы жаңа көлік электрлі болды. Жаңа Tesla Model Y 2021 жылы көшбасшы болған Tesla Model 3-тен кейін 2022 жылы ең көп сатылатын электромобиль болды.

Жалпы, 2022 жылы әлемде 1,6 млн жаңа автокөлік тіркелді, бұл 2021 жылмен салыстырғанда 2% төмен, бұл пандемияның автоөнеркәсіпке кері әсері және жартылай өткізгіш чиптердің жаһандық тапшылығына байланысты.