Amicorp компаниялар тобы өңірдің бас қаржы хабы – «Астана» халықаралық қаржы орталығында (АХҚО) өз кеңсесін ашты. Amicorp – корпоративтік басқару, қаржы нарықтары және қорларды әкімшілендіру қызметтерінің алғашқы жаһандық жеткізушісі.

Астанадағы кеңсе Amicorp енді Шығыс пен Батыс, Кавказ бен ЕАЭО, Таяу Шығыс пен Еуропа қиылысында орналасқан стратегиялық маңызды біздің елде тұрақтап, жұмыс істеуге ниет білдірген кәсіпкерлер мен кәсіпорындарға жергілікті қолдауды ұсынатын болады. Amicorp енді халықаралық деңгейге шығуды қалайтын қазақстандық компанияларға трансшекаралық қызметті жолға қоюға және тиімді заң құрылымдарын құруға көмектесіп, қолдау көрсете алады деп күтілуде.

«Астанада кеңсенің ашылуы Amicorp үшін маңызды кезең болып саналады, осында бола отырып біз қарқынды дамып келе жатқан Орталық Азия экономикасының инвестициялық мүмкіндіктерін пайдаланғысы келетін тұтынушыларға жақсырақ қолдау көрсет алатын боламыз» - деп Amicorp компаниялар тобы, ТМД бойынша сату бөлімінің басшысы Серхио Хиронелла пікір білдірді.

«Қазақстан Жаңа Жібек жолы бастамасының басында тұр, өйткені қазіргі уақытта Қытай мен Орталық Азиядан Еуропаға экспортталатын тауарлардың 80% -дан астамы осы ел арқылы өтеді».

«Бұл үлкен инвестициялық мүмкіндіктерді ұсынатын артықшылығы бар юрисдикция ретінде инфрақұрылымның, нормативтік-құқықтық базаның және экономикалық амбицияның айтарлықтай дамуына әкелді».  

Қазақстан табиғи ресурстарға, әсіресе мұнай мен табиғи газға, көмір секілді пайдалы қазбаларға бай ел бола отырып, Орталық Азиядағы ең жоғары экономикалық өсімге жетіп қана қоймай, тікелей шетелдік инвестицияларды да қызықтырды. Оның аймақтық және жаһандық коммерциялық орталық ретінде өсуі ауыл шаруашылығы, технология және әсіресе қаржы сияқты басқа секторларды әртараптандырып, дамытуға әкелді.

Елде әлемдік деңгейде дамып жатқан қаржы хабы – «Астана» халықаралық қаржы орталығы бар, ол арнайы салық режимдері мен тәуелсіз қаржылық ережелерден бастап жеңілдікті визалар мен еңбек жағдайларына дейін шетелдік инвестицияларды тартуға және елге халықаралық капитал нарықтарымен интеграциялануға көмектесу үшін қор нарығын құруға бағытталған бірқатар ынталандыруларды ұсынады.

Amicorp командасы Астанадағы жаңа кеңсесінен әртүрлі әкімшілік қызметтерді, соның ішінде заңды қызметтерді құру, корпоративтік хатшы қызметтері, салық және бухгалтерлік қызметтер, банктік шоттар ашу және басқа да әкімшілік міндеттерді қоса алғанда, корпоративтік басқарумен байланысты әкімшілік қызметтерді ұсынады. Команда алдағы айларда басқа қызметтерді қосуды жоспарлап отыр.

Астанадағы жаңа кеңсе қазақстандық компанияларға Amicorp кеңселерінің халықаралық желісін пайдалануға және олардың жергілікті нарықтар туралы білімдерін алуға мүмкіндік береді.

«Біздің мақсатымыз — Қазақстанның әр қаласында орналаспасақ та, бүкіл ел бойынша бизнесті қолдау және АХҚО-ның жетекші қаржы орталығы ретінде дами беруіне өз ықпалымызды тигізу», - деді Хиронелла мырза. Өз сөзін жалғастыра келіп «Біз БРИКС елдерінде бола отырып, Таяу Шығыста күшті сыртқы өсуді көріп отырмыз, мысалы, Дубай мен Абу-Дабиде және Сауд Арабиясында кеңселеріміз бар. Біздің команда енді кіріс және шығыс операциялары бар компанияларға көмектесе алатын үлкен үшін мүмкіндіктерге ие десек артық айтқанымыз емес» деп атап өтті.    

АХҚО Басқарушысы Ренат Бектұров: «Біз Amicorp компаниялар тобын «Астана» халықаралық қаржы орталығында қарсы алуға қуаныштымыз. Оның осында ашылуы Amicorp үшін де, бүкіл АХҚО үшін де дамудың маңызды кезеңін білдіреді. Әлемге беделді компаниялардың біздің Орталыққа келуі Қазақстанның Орталық Азияның ірі қаржы орталығы ретіндегі өсіп келе жатқанын көрсетеді.

Бұл шешім біздің нарық пен экожүйенің жаһандық қаржы компаниялары мен институттарын қолдауға дайындығын көрсетеді. Мұндай бастамалар инвестициялық мүмкіндіктерді жақсартуға, білім алмасуға, жұмыс орындарын құруға және экономикалық өсуге жол ашады. Қазір Қазақстанда активтерді басқару индустриясы қарқынды дамып келеді. АХҚО-да Amicorp халықаралық компаниясы кеңсесінің ашылуы нарықта қаржылық қызметтердің жаңа түрлері, әсіресе активтерді басқару саласының жаңа қарқын алатынын білдіреді. Жаңа қаржылық қызметтер мен құралдардың пайда болуы Қазақстан қаржы нарығының дамуына өз үлесін қосады».