2023 жылдың бірінші жартыжылдығының қорытындысы бойынша, ҚР-да автокөліктерге техникалық қызмет және жөндеу қызметі көлемі 83,1 млрд теңге болды, бұл бір жыл бұрынғыдан құндық мәнде 40,7% артық.

Өңірлер бойынша барлық қызметтердің 39,6%-ы оңтүстік астана Алматыға тиесілі: 32,9 млрд теңге – былтырғы бірінші жартыжылдықпен салыстырғанда құндық мәнде 56,5% көп. Алғашқы бес өңірге сондай-ақ Астана қаласы (9,9 млрд теңге, 31,9% көбейген), Атырау (6,4 млрд теңге, 33,5% көбейген), Қарағанды ​​(4,1 млрд теңге, 65% көбейген) және Шығыс Қазақстан (3,9 млрд теңге, 24,3% көбейген) облыстары кірді.

Сала бойынша ең аз қызмет Ұлытау (83,6 млн теңге), Қызылорда (582,5 млн теңге) және Жетісу (661,7 млн ​​теңге) облыстарында көрсетілген.

Биыл маусымның қорытындысы бойынша, жеке көліктерді пайдалану бір жылда 15,7% қымбаттады. Соның ішінде қосалқы бөлшектер мен керек-жарақтар, сондай-ақ жанармай материалдары бір жылда 15,9%, техникалық қызмет және жөндеу 14,6% қымбаттады.

Бағаның ең көп өсуі Ақтөбе (20,7% өскен), Шығыс Қазақстан (20,3% өскен) және Солтүстік Қазақстан (19,7% өскен) облыстарында, ең азы – Ұлытау облысында (8,1%) байқалды.

Қосалқы бөлшектер мен керек-жарақтар Астанада (34,2%) айтарлықтай өсті, ең азы – Жетісу облысында (бар болғаны 1,4%).

Жанармай материалдарының бағасы Солтүстік Қазақстан облысында айтарлықтай өсті (20,5%) , ал ең аз қымбаттау Ұлытау облысында (8,1%) қымбаттады.

Техникалық қызмет және жөндеу қызметінің ең көп жылдық қымбаттауы Ақтөбе облысында (бірден 72,6%), ең азы – Шымкентте (0,8%) байқалды.

Жеке көліктерге арналған қосалқы бөлшектер мен керек-жарақтардың ішінде жеңіл автокөлік шиналары бір жылда орта есеппен 18,2%, май сүзгілері 13,4% қымбаттады.

Жанармайдың ішінде бір жылда бензин 12%, дизель отыны 36,1%, мотор майы 22,9% қымбаттады.

Саладағы қызметтердің ішінде техникалық тексеру – 8,9%, шиномонтаж қызметі – 12,4%, көлік жуу – 22,2% қымбаттады.