Қыркүйекте жаңадан несие беру көлемі тамызбен салыстырғанда 11% азайып6 1,2 трлн теңге болды, бұл 2023 жылдың қаңтарынан бері ең жоғары айлық төмендеу.

Берілген несиелер саны да қысқарды, сәуірден бері бірінші рет, тамызбен салыстырғанда 9,5% азайып, 3,8 млн болды. Несие алған қарыз алушылардың саны да кем дегенде сәуір айынан бері 2,28 млн адамға дейін қысқарды.

Проблемалық қарыздың үлесі қысқарды – тамызда 10,7% болса, қыркүйекте 10,6%. NPL90+ қарыз алушылардың үлесі де аздап – 0,1 пайыздық тармаққа, 21,2%-ға дейін төмендеді. Мұндай азаматтардың саны 0,25% азайып, 1 млн 803 мың адам болды. Негізгі ілгерілеуді микронесие секторы қамтамасыз етті.

Кепілсіз тұтынушылық несиелер беру тамызда 860 млрд теңге болса, қыркүйекте 741 млрд теңге болды. Жаңа несиелер саны, қарыз алушылардың саны, орташа сома азайды.

Ақпан айынан бері ай сайын көбірек беріліп жатқан автонесие де тамыздағы 156 млрд теңгемен салыстырғанда қыркүйекте 144 млрд теңгеге дейін төмендеген.

Заңды тұлғалардың да несие алуы азайды. Тамызда жаңадан 1,6 трлн теңге берілсе, қыркүйекте 1,4 трлн теңге болды. Несие алушылар саны да 53,8 мыңнан 46 мыңға азайды. Орташа сома аздап өсті: плюс 0,5 млн теңге, 29,57 млн ​​теңгеге дейін. Заңды тұлғаларға берілген несиелердің жалпы портфелі 1 қазандағы жағдай бойынша 24 трлн теңгені құрады.