Биылғы қаңтар-қыркүйек айларында кәсіптік, ғылыми және техникалық қызмет саласындағы негізгі капиталға салынған инвестиция 35,3 млрд теңгені құрады, бұл өткен жылмен салыстырғанда құндық мәнде 20,5% аз. Күрделі салымдардың нақты көлемінің нақты қысқаруы – 24,1%, деп хабарлайды finprom.kz.

Салыстыру үшін: 2021 жылдың сәйкес кезеңінде секторға салынған инвестиция бір жылда 43,9% азайып, 44,4 млрд теңгені құрады.

Өңірлер бойынша инвестицияның ең көп көлемі Астанаға түсті: 7,8 млрд теңге – бір жыл бұрынғыдан 13,7% аз. Тағы 6,4 млрд теңге Алматыға тиесілі, бір жылда 4,8% азайды. Қызылорда облысы үшінші орында: 4,8 млрд теңге, жылдық өсім 3 есе. Үздік 3 өңір ҚР-ның кәсіптік, ғылыми және техникалық қызмет саласына салынған инвестицияның жалпы көлемінің 53,8%-ын құрады.

Инвестицияның ең аз көлемі жаңадан құрылған Жетісу облысында тіркелді: бар болғаны 112,1 млн теңге. Одан бөлек инвестиция аз салынған өңірлер Павлодар және Алматы облыстары: тиісінше 147,6 млн және 205,8 млн теңге.

Кәсіби, ғылыми және техникалық қызмет саласындағы қаржыландырудың негізгі көзі кәсіпорындардың меншікті қаражаты, олар бірден күрделі салымдар қоржынының 90,4%-ын немесе 31,9 млрд теңгені қамтамасыз етті, бұл бір жыл бұрынғыдан 21,5% аз.

Қалған 1,4 млрд теңге республикалық бюджеттен, 195,5 млн теңге жергілікті бюджеттен бөлінді. Банктік несиелер 28,1 есе азайып, 1,2 млрд теңгені, банктік емес қарыздар 81,3% азайып, 653,8 млн теңгені құрады.