2022 жылдың шілде айы қорытындысы бойынша Қазақстан Республикасында ауыл шаруашылығы өнімдерін өндірумен, сақтаумен және қайта өңдеумен және ауыл шаруашылығы саласында қызметтер көрсетумен айналысатын 230,4 мың шаруа немесе фермер қожалығы, 26,1 мың жеке кәсіпкер және 20,1 мың заңды тұлға тіркелді, сондай-ақ ауыл шаруашылығы өнімдерін өндірумен айналысатын қала, ауыл және ауылдық округтерде 1,6 млн үй қожалықтары тіркелген.

Бір жыл ішінде тіркелген ауыл шаруашылығы өнімдерін өндіретін заңды тұлғалар мен шаруа қожалықтарының саны сәйкесінше 4,3% және 0,7% өсті. Жеке кәсіпкерлер саны, керісінше, бірден 19,9%-ға, ал сектордағы тауар өндіруші үй шаруашылықтарының саны 0,8%-ға қысқарды.

Жұмыс істеп тұрған заңды тұлғаларға келетін болсақ, мұнда маусым айының соңына қарай ауыл шаруашылығы тауарын өндірушілердің саны 17 мыңға жетіп, өткен жылмен салыстырғанда 6,7 пайыз өсті. Жұмыс істеп тұрған шаруа немесе фермер қожалықтарының саны небәрі 1%-ға өсіп, 221,8 мыңға жетті, ал секторда жұмыс істейтін жеке кәсіпкерлердің саны бір жылда 20,6%-ға азайып, 23 мыңды құрады.

Өңірлік тұрғыда ағымдағы жылдың маусым айының аяғында агроөнеркәсіптік кешенде жұмыс істейтін заңды тұлғалардың жартысынан астамы Қазақстан Республикасының 20 облысының 5-еуіне ғана тиесілі болды: Түркістан (3,6 мың), Ақмола (1,9 мың), Солтүстік Қазақстан (1,4 мың), Алматы (1,2 мың) және Қостанай (936) облыстары. 

Салада жұмыс істеп тұрған жеке кәсіпкерлердің жартысынан астамы тек 2 облысқа – Түркістан (8,6 мың) және Жамбыл (5,9 мың) облыстарына тиесілі.

Республиканың 20 облысының 3-інде жұмыс істеп тұрған шаруа немесе фермер қожалықтарының жартысынан астамы: Түркістан (70,7 мың), Алматы (25,7 мың) және Жамбыл (18,8 мың) облыстарында шоғырланған.