Жалпы автомобиль өнеркәсібі қиын кезеңдерді бастан өткеріп жатыр: ұзаққа созылған пандемия және одан кейінгі локдаундар, жартылай өткізгіштердің тапшылығы және жаһандық жеткізу тізбегінің бұзылуы автоөнеркәсіпке кері әсер етті. Оған қоса Украинадағы соғысқа байланысты геосаяси дағдарыс қосылды. Нәтижесінде автоөнеркәсіпке қажетті шикізат пен компоненттердің тізбегін тіптен бұзды, деп хабарлайды energyprom.kz

Дегенмен, дағдарыс Қазақстанның автоөнеркәсіп саласына соншалықты әсер еткен жоқ: мысалы, биылғы қаңтар-тамыз айларында елімізде 68,6 мың автокөлік шығарылды, бұл өткен жылдың сәйкес кезеңімен салыстырғанда бірден 24,7% артық.

Ескерту: MarkLines Automotive Industry Portal сарапшыларының пікірінше, Қазақстан автомобиль өндіруші көптеген елдермен салыстырғанда әлемде автомобиль өндірісінің өсімі бойынша ең жоғары орынға ие. Сондай-ақ, сегіз айдың қорытындысы бойынша Малайзия және Индонезия сияқты АСЕАН елдерінде өндіріс тиісінше 70,3% және 31,5% өсті. Дүние жүзіндегі жетекші көлік өндіруші Қытайда өндіріс осы кезеңде 4,9%, АҚШ-та 7,4%, Германияда небәрі 3,4%, Оңтүстік Кореяда 1,7% ғана өссе, Ұлыбритания мен Жапония сияқты елдерде өндіріс айтарлықтай төмендеді, тиісінше 9% және 9,7% төмендеді. Алайда, Оңтүстік Корея тұрғындарына Hyundai, Kia және Genesis көліктерін сатып алу үшін 2,5 жыл күту керек болуы мүмкін екені ескертілді (бір жыл бұрын бұл көліктерді алу үшін 11 ай күту керек болған еді). Ал көршілес Ресейде автокөлік өндірісінің көлемі бірден 58,9% төмендеп, 2022 жылдың қаңтар-тамызында 431,8 мың автокөлікті құрады. 

Айтпақшы, шығарылған автокөліктер санының халық санына қатынасына бөліп есептейтін болсақ, ҚР көрсеткіші (10 мың тұрғынға 8 айда 35 автокөлік өндірілген) Индонезиядан сәл жоғары болады. (32 автокөлік) және Үндістан (18 автокөлік) мен Пәкістаннан (6 автокөлік) айтарлықтай жоғары.

2022 жылдың тамыз айында ғана ҚР-да 9 мың автокөлік шығарылды, бұл өткен жылдың тамыз айымен салыстырғанда 14,8% артық.

Бұл ретте биылғы орташа айлық өндіріс өсімі 25,3%-ды құрады. Ең аз өсім ақпанда – бар болғаны 4,6%, ал ең жоғары – мамырда – бірден 60,6% байқалды.

Көліктердің ең көп саны маусымда (11,2 мың), одан кейін мамырда (9,9 мың) және тамызда шығарылды.

Биылғы қаңтар-тамыз айларында шығарылған автокөліктердің ішінде 62,5 мың жеңіл автокөлік бар, бұл 2021 жылдың сәйкес кезеңімен салыстырғанда бірден 31,6% артық. Тағы 4,8 мың техника жүк көліктеріне тиесілі. Сондай-ақ 712 автобус, 396 тіркеме мен жартылай тіркеме және 182 басқа да мамандандырылған техника шығарылды.

Зауыттар ішінде ең көп өндіріс көлемі Қостанайлық «СарыарқаАвтоӨнеркәсіп» кәсіпорнына тиесілі: 42,6 мың техника. Мұнда өндіріс көлемі бір жылда 28,3% өсті.

 Одан кейінгі орында Алматы Hyundai Trans Kazakhstan (22,1 мың дана), одан кейін СемАЗ (1,4 мың дана), КАМАЗ-Инжиниринг (809 дана) және Hyundai Trans Auto (704 дана) зауыттары бар.