6 ақпанда сағат 10:00-де www.autonesie.kz сайтында жеңілдетілген автонесие бағдарламасына өтініштер қабылдау басталады, деп хабарлайды LS.

Жеңілдетілген несие алу үшін ЭЦҚ болуы керек. Бұл платформа - өтініш берушілер пулы, одан ары қарай ешқандай кезек болмайды.

Айта кетейік, бұл платформаға Қазақстан аумағынан ғана тіркелуге болады.

Автокөлік өндірушісін таңдамас бұрын мұқият ойлану керек, өйткені ол кезде оны өзгерту мүмкін болмайды.

Өтінішті тексергеннен кейін веб-сайтта сәтті тіркеу туралы терезе пайда болады. Автокөлік алудың барлық процедуралары және несие алу 6 ақпаннан бастап 60 күн ішінде аяқталуы керек. Үлгермегендер пулдан шығарылады және кейінірек өтініш бере алады".

Өтінішті тіркеуді растағаннан кейін адам төлемге шот-фактураны алу үшін автосалонға, содан кейін бағдарламаға қатысатын банкке баруы керек.

Бүгінгі таңда несие төлемдері арқылы 7,6 млрд теңге жиналды, бұл 6 ақпанда бағдарламаға 761 адам қатыса алады деген сөз. Яғни, 761 қатысушы тіркелгеннен кейін өтінім беру түймесі өз жұмысын тоқтатып, өтініштерді қабылдау тоқтайды.

Болашақта ай сайын өтініштер қабылдау алаңын ашу жоспарланып отыр. Оған 100-ге жуық қатысушы қатыса алады.

Бұл ретте бағдарламаның негізгі шарттарының бірі – бір адам екі жылда бір рет қана несие ала алады. 

Қазақстан автобизнес қауымдастығының өкілі Қайрат Еламанов бұл бағдарламаның шарты бойынша автоөндірушілер көліктерді 60 күнтізбелік күн ішінде әкелуі керек.

Бағдарламаға қатысушы автосалонға келіп, менеджермен қажетті үлгіні, жабдықты және түсін талқылайды. Егер нақты көлік бар болса, бағдарламаға қатысушы оны банктен мақұлдағаннан кейін бірден сатып алады.

Егер көлік салонда болмаса, екі айда әкелуі тиіс. 

Еске салайық, жеңілдетілген автонесие бағдарламасы 2022 жылдың мамырында басталған болатын. Оны жүзеге асыруға екінші деңгейлі банктерге («Қазақстан Халық банкі», «Форте Банк», «Банк ЦентрКредит» және «Еуразиялық банк») 100 млрд теңге бөлінді. Бұл қаражатқа 12,6 мыңнан астам автокөлік сатып алынған. Автонесиенің орташа мөлшері 7,8 млн теңгені құрады.