2024 жылдың қаңтар-қазан айларында негізгі капиталға инвестициялар айтарлықтай өсті және бірінші тоқсандағы құлдырпудан кейін және қаңтар-қыркүйектегі болмашы өсімнен кейін (0,6%) өткен жылмен салыстырғанда 1,9%-ды құрады. Дегенмен, бұл көрсеткіш әлі де ЖІӨ (4%) деңгейіне жетпейді, деп хабарлайды Halyk Finance сарапшылары. 

Инвестициялардың ЖІӨ-дегі үлесі 13,9%-ды құраса, үкімет жоспары 30%-ға жеткізу.

Өңдеу секторындағы (жылдық көрсеткішпен салыстырғанда +8,6%), көліктегі (+30,4%) және жылжымайтын мүлік операцияларындағы (соңғы сектордың үлесі жалпы көлемнің 47%-ын құрайды) жақсы өсімге қарамастан, негізгі секторларға инвестициялар теріс динамикасын көрсетуді жалғастыруда: саудада -17,7%, тау-кен өнеркәсібінде -25,4, құрылыс саласында -17,4%.

«Мұндай жағдайларда ЖІӨ-нің 30% инвестиция үлесі бойынша мемлекеттік ұзақ мерзімді мақсатқа қол жеткізу әлі мүмкін емес», - делінген шолуда. – Біздің ойымызша, экономиканы әртараптандырудың қазіргі стратегиясын түбегейлі қайта қарау қажет. Бұл бюджеттің мұнай бағасына тәуелділігін азайту, сондай-ақ толыққанды нарықтық ортаны құру арқылы макроэкономикалық тұрақтылықты қамтамасыз ету үшін елдің фискалдық саясатында түбегейлі реформаларды жүргізуді талап етеді».