Көктемгі су тасқыны салдарынан тоқтап тұрған 634 ұңғыманың 440-ы CNPS-Ақтөбемұнайгазға тиесілі (Қытайдың CNPC еншілес кәсіпорны), деп хабарлады Энергетика министрлігі.

«Елдегі су тасқыны жағдайының салдарынан Ақтөбе және Атырау облыстарындағы бірқатар мұнай өндіруші кәсіпорындарда 634 ұңғыма жұмысы тоқтап, мұнай өндірудің жалпы шығыны 16 мың тоннаны құрады. Бүгінгі таңда 141 ұңғыма қалпына келтірілді, 493 ұңғымада өндіру әлі де тоқтатылды, оның ішінде: Ақтөбе облысында 489 ұңғыма (СНПС Ақтөбемұнайгаз» АҚ 440 ұңғыма, «ҚМК Мұнай» АҚ 25 ұңғыма, «Фирма Ада Ойл» ЖШС 24 ұңғыма), Атырау облысында 4 ұңғыманың жұмысы тоқтатылды («Ембімұнайгаз» АҚ 3 ұңғымасы, ТОО 5А мұнай 1 ұңғымасы)», — делінген Энергетика министрлігі таратқан ақпаратта.

Ведомствоның хабарлауынша, қалпына келтіру жұмыстары жүргізілуде, атап айтқанда, сорғы қондырғылары мен агрегаттарымен суды айдау, топырақпен толтыру, ұңғымаларды қуатсыздандыру және герметизациялау. Сонымен қатар, елді мекендердегі су тасқынына қарсы жаңа бөгеттерді салу және қолданыстағыларды нығайту, бөгеттерді көтеру және жөндеу жұмыстары жалғасуда.