10 айдың қорытындысы бойынша биылғы жылы шикізаттық емес тауарлар экспортының көлемі $15,9 млрд.құрады, бұл өткен жыл ішіндегі шикізаттық емес экспорттан да көп, және біз ковидке дейінгі 2019 жылы әлеммен сауда жасағанымыздан да көп, деп жазды Сауда және интеграция министрі Бақыт Сұлтанов өзінің әлеуметтік желідегі парақшасында.

"Жыл бойынша жалпы нәтижелерді біз тек ақпан айында ғана көреміз, алайда, қарқын сақталатынына сенімдімін. Қызметтер экспортымен бірге (және ол бірінші жартыжылдықта өсіп, $2,7 млрд құрады), менің ойымша, шикізаттық емес экспорттың $25 млрд көрсеткішіне шығамыз деп ойлаймын", дейді министр.

Мемлекеттік қолдаудың осы құралын іске асырудың қорытындысы $280 млн-ға 62 жасалған келісімшарт болды, оның ішінде $54 млн акселератор түлектеріне тиесілі.

Азық-түлік өнімдерін сатуға арналған келісімшарттардың көпшілігі: тұз, ұн, ет және ет өнімдері, макарон, консервілер, бал, өсімдік майы, сүт ұнтағы. Сондай-ақ, машина жасау, металлургия өнімдерін жеткізуге, IT-қызметтерге келісімшарттар бар.

"Жалпы, егер ковидке дейінгі жылдармен салыстыратын болсақ, онда біз Сауда миссиясын ұйымдастыруға жұмсалатын шығындарды 2 есеге жуық қысқарттық. Бірақ сонымен бірге олар Сауда-экономикалық миссиясына қатысушыларының санын және экспорттық келісімшарттардың саны мен көлемін арттыра алды", дейді Сұлтанов.

Қорытынды экспорттаушыларды сервистік қолдауға жұмсалатын тікелей шығындардың 1 теңгесіне тауар өндірушілер кірісінің 329,6 теңгесі тиесілі болды.