Қазақстанда жұмыс істейтін ресейліктердің 70 пайыздан астамы қызмет көрсету саласында жұмыс істейді, деп хабарлады Еңбек және халықты әлеуметтік қорғау министрі Тамара Дүйсенова.

Ресей азаматтарының тағы 16 пайызы өнеркәсіпте, 9 пайызы құрылыста, 2 пайызы ауыл шаруашылығында жұмыс істейді.

Ол сонымен қатар ең жақсы 5 мамандықты атады: бухгалтерлер, есеп менеджерлері, сатушылар, көлікпен айналысатындар, жүргізушілер.

Шетелдіктерді жұмысқа қабылдағанда ең алдымен Қазақстанда зейнетақыны ұстайды ма, соны қарайды.

«Бүгінде бізде Қазақстанда Ресей Федерациясының 22,5 мың азаматы жұмыс істеп, зейнетақы жарналарын төлеуде. Оның ішінде биылғы жылдың басынан бері 8 мың адам жұмысқа орналастырылды», - деп қосты Дүйсенова.

Соңғы мәліметтер бойынша, Ресейде ішінара жұмылдыру басталғаннан бері Қазақстанға 300 мыңға жуық ресейліктер келген. Олардың көпшілігі басқа елдерге кетіп қалады. Қалуға шешім қабылдағандар тұруға ықтиярхат (рұқсат) немесе Қазақстан Республикасының азаматтығын алуға өтініш береді. Бұл туралы 4 қазанда Ішкі істер министрлігі мәлімдеді.