Биыл мамыр айының қорытындысы бойынша, жиһаз бен тұрмыстық заттар бір жылда бірден 24,6% қымбаттады. Салыстыру үшін: бір жыл бұрын сектордағы баға 13,3% өскен еді.
ҚР өңірлерінің ішінде жиһаз мен тұрмыстық заттар бағасының ең көп жылдық өсімі Астанада байқалды: бірден 53,1%. Одан кейінгі орында Шығыс Қазақстан және Батыс Қазақстан облыстары: тиісінше 41,6% және 39,4%.
Сектордағы бағаның ең аз өсімі Маңғыстау облысында тіркелді: 7,8%. Одан кейін Павлодар және Жамбыл облыстары: тиісінше 11,7% және 14,5%.
Жиһаз сегментінде жатын бөлме жиһаздарының бағасы айтарлықтай өсті: бір жылда 28,2%.
Көйлек пен ішкиімге арналған шкаф 27,7%, үстел 23,9%, диван-төсек 23,2%, орындық 21,9% қымбаттады.
Ай сайынғы өсу динамикасын қарастыратын болсақ, биыл сектордағы бағаның ең көп айлық өсімі наурызда байқалды: 2,3%. Мамырда жиһаз және тұрмыстық заттар 0,5% қымбаттады.
Айта кету керек, бұған дейін, 2020-2022 жылдар аралығында бағаның ең көп айлық өсімі маусым айында, ал әр жылдары: 2020 және 2021 жылдары – 1,9%, 2022 жылы – бірден 6,2% өскен.
Ал, осы жылдың маусым айының қорытындысын күтейік, қымбатшылық динамикасы жалғаса ма әлде осы деңгейде қала ма?
Биыл қаңтар-сәуір айларында жиһаз өндірісі 2022 жылдың сәйкес кезеңімен салыстырғанда айтарлықтай төмендеді. 2023 жылғы қаңтар-сәуірде металл жақтаулары бар орындық және басқа да арнайы отыратын жиһаздар өндірісі 312,1 мың дана болды, бұл 2022 жылғы қаңтар-сәуірмен салыстырғанда 18,1% аз. Ағаш кеңсе жиһазының өндірісі 76,6 мың дананы құрады, бұл бір жыл бұрынғыдан 22,6% аз.
Сондай-ақ ас үй жиһазы өндірісі айтарлықтай төмендеді: биыл қаңтар-сәуірінде бірден 28,4%, 28,1 мың данаға дейін азайды. Асхана мен қонақ бөлмеге арналған ағаш жиһаз өндірісі 6,2%, 24,1 мың данаға; жатын бөлмеге арналған басқа да ағаш жиһаздар (төсек пен гардеробтардан басқа) 16,7%, 14,4 мың данаға дейін төмендеді.