Қазақстан Республикасының Ұлттық банкі мен Қытай Халық банкі ынтымақтастық туралы меморандумға қол қойды. Құжат Қазақстанда юаньмен өзара есеп айырысуларды дамыту мүмкіндігін қарастырады.

«Меморандум орталық банктердің ұлттық валютада трансшекаралық есеп айырысуларды дамыту бойынша клиринг және деректер алмасу жөніндегі келісімдерін біріктіреді», - делінген Қазақстан Республикасы Ұлттық банкінің хабарламасында.

Меморандумның жасалуы Қазақстан мен Қытай арасындағы қаржы саласындағы ынтымақтастықты нығайтудағы жаңа қадам болғаны атап өтілді.

«Меморандум трансшекаралық төлемдерде ұлттық валюталарды кеңінен қолдануға, сондай-ақ өзара сауда және инвестициялық қызметті дамытуға ықпал етеді», - делінген хабарламада.