Қарбыз маусымы басталып, оңтүстік өңірлердегі билік биыл су көп болады, екі орақ болады деп жатыр. Айтпақшы, біз осы қауын дақылын өндіретін әлемдегі ең ірі өндірушілердің қатарында екенімізді білесіз бе? 2022 жылы ФАО құрастырған елдердің рейтингінде Қазақстан 11-орынға ие болды. Сәл жоғарырақ қатарда Ресей (7-орын) және Өзбекстан (10-орын) болды. Абсолютті көшбасшылар Қытай, Түркия және Үндістан.

2023 жылға арналған рейтинг әлі жарияланған жоқ, бірақ Қазақстанның ондағы позициясын жақсартуға толық мүмкіндігі бар. Өйткені, өткен жылдың қорытындысы кем дегенде соңғы бес жылдағы рекордты жаңартты – 1,43 млн тонна қарбыз жиналды. Бұл ретте 2022 жылмен салыстырғанда өсім 7% немесе 89,5 мың тоннаны құрады, деп хабарлайды статбюро.

Осыншалықты өнімді не істейміз? Шетелге сатып, миллиондаған доллар табамыз ба? Жоқ. 2023 жылы 7,6 мың тонна немесе өндірілген көлемнің 0,5%-ы ғана экспортталды. Айтпақшы, импорт 41 мың тоннаны құрады, бұны да өндіріспен салыстыруға келмейді.

️Егер өндірістің барлығы тұтынушы дастарханына жетті деп есептесек, 2023 жылы бір қазақстандық орташа есеппен 72,5 кило қарбыз жеген, бұл шамамен жеті-сегіз дана.

Алайда, кейде диқандардың берген статистикасы көбейтіліп көрсетілуі мүмкін.