Тамызда берілген несиенің жалпы көлемі шілдедегі рекордтық деңгейге жақындап, шамамен 1,4 трлн теңге болды.

Сәуір айынан бері жаңа несие алған қазақстандықтардың саны қысқарды: шілдемен салыстырғанда 85 мың адамға. Бірақ қарыз алушылар әлі де көп, 2,5 млн-ға жуық. Трендті кепілсіз тұтынушылық несиелер секторы белгіледі, мұнда тағы да бірінші рет құлдырау тіркелді. Микро несиелер бойынша қарыз алушылардың саны, керісінше, қарқынды өсім көрсетеді: шілдеден бері 22 мыңға өсіп, 443 мың адамға жетті.

Автонесиелердің өсімі  жалғасуда, соның арқасында автонесие портфеліндегі келісімшарттың жалпы саны айдың соңына қарай 400 мыңнан асты.

Ең көп сұранысқа ие кепілсіз тұтынушылық несиелер де шілдедегі көрсеткіштен азайды:  шамамен 130 млрд теңгеге, 860 млрд теңгеге дейін. Мұндағы бөлу дәстүрлі түрде біркелкі емес: жалпы соманың жартысынан көбі қарыз алушылардың 10%-на ғана тиесілі, ал қарыз алушылардың жартысы төлемдердің шамамен 8%-ы қамтамасыз етеді.

Тамыз айында ипотека басқаларға қарағанда жақсы көрсеткіш көрсетті: ақшалай есептегенде 27% (191 млрд теңгеге дейін), келісімшарттар саны 25% (12,7 мыңға дейін) өсті.

Заңды тұлғаларды несиелендіруге келсек, ең қызығы несие көлемінің күрт өсімі байқалды. Тамыздағы 1,1 триллионмен салыстырғанда сома 1,6 трлн теңгеге жуықтады. Ал бұл 2023 жылғы рекорд. Несие алушылар мен келісімшарттар саны айтарлықтай өзгерген жоқ, бірақ берілген орташа сома 36% өсіп, 29 млн теңгеге жетті. 2023 жылғы 1 қыркүйектегі жағдай бойынша портфель 23,5 трлн теңге.