2026 жылдың бірінші тоқсанының қорытындысы бойынша ШОБ-тан бюджетке түсетін түсімдер 20,3%, электрондық шот-фактура (ЭШФ) жүйесі арқылы айналымдар 14% артты. Бұл туралы Ұлттық экономика министрі Серік Жұманғарин жазды.

Салық органдарының деректеріне сәйкес, 2026 жылдың 1-тоқсанында 207 912 жеке кәсіпкер қызметін тоқтатты (2025 жылдың осы кезеңінде — 82 874, 2024 жылы — 125 093), яғни көрсеткіш шамамен екі есе жоғары. Осылайша, жаңа Салық кодексінің әсерінен қосымша 100 мыңға жуық кәсіпкер жабылды деуге болады.

Министрдің айтуынша, 2026 жылы жабылғандардың негізгі бөлігі – табысы, қызметкерлері және нақты қызмет белгілері жоқ белсенді емес кәсіпорындар.

2026 жылдың 1-тоқсанындағы жабылу құрылымы:

• 39,2 мыңы өзін-өзі жұмыспен қамтығандар режиміне өтті; 
• 11,8 мыңы бір мезгілде басқа компаниялардың басшылары болған (жеңілдетілген декларация негізіндегі арнайы салық режимін қолдану шарттарының өзгеруін ескере отырып); 
• 94,2 мыңында 2025 жылы табыс болмаған.

Сонымен қатар, жаңадан тіркелушілер де аз емес: 1-тоқсанда 99 мыңнан астам жаңа салық төлеуші (88,7 мың жеке кәсіпкер және 10,3 мың заңды тұлға) тіркелді. Заңды тұлғалардың жалпы саны 584 093 өсті (+4 337). Сондай-ақ, 410 мыңнан астам өзін-өзі жұмыспен қамтығандар, олардың 85%-ы платформалық жұмысты (Indriver, Yandex, Wolt және т.б.) таңдаған.

«Бұл - бизнестегі құрылымдық өзгеріс: жұмыс істемейтін жеке кәсіпкерлер жабылып, бір бөлігі іріленіп заңды тұлғаға айналуда, ал енді бірі өзін-өзі жұмыспен қамтушы ретінде заңдасып жатыр. Сонымен қатар, өзін-өзі жұмыспен қамтығандардың басым бөлігі платформалық жұмыспен қамту саласында шоғырланған, яғни бұл ірі ойыншылардың салықтан жалтаруына арналған «схема» емес», — дейді Жұманғарин.