Қазақстанда жылжымайтын мүлікке қатысты қызметтер нарығы қарқынды өсіп келеді. 2025 жылдың алғашқы жартыжылдығында көрсетілген қызметтердің жалпы көлемі 1,4 трлн теңгеге жетіп, бір жылда 35,2% артқан. Мұндай деректерді Ұлттық статистика бюросы жариялады.
Негізгі сегменттер
Көлемнің басым бөлігі тұрғын үйді жалға беру және басқаруға тиесілі – 681,5 млрд теңге. Бизнес-орталықтар мен әкімшілік ғимараттарды жалдау – 180,9 млрд теңге. Сауда кешендері мен көпфункционалды нысандар – 136,7 млрд теңге. Басқа да нысандарды басқару – 106,2 млрд теңге.
Ал мәмілелер бойынша, тұрғын үй мен көпқабатты үйлерді сату-сатып алу – 75 млрд теңге; басқа жылжымайтын мүлік – 4 млрд теңге; ең төмен көрсеткіш – көрме және конференция залдарын жалға беру: 554,8 млн теңге.
Өңірлердегі көрсеткіш
Нарықтағы көшбасшы – Алматы: 608,8 млрд теңге.
Одан кейінгі орындарда Астана – 257,1 млрд теңге, Шығыс Қазақстан облысы – 97,4 млрд теңге.
Сарапшылардың айтуынша, нарықтағы өсімге үш фактор ықпал етуде: тұрғын үй құрылысының кеңеюі – жалға берілетін алаңдардың артуы; бизнестің қалпына келуі – кеңселер мен сауда нысандарына сұраныс қайтадан өскен; инвестициялық қызығушылық – жылжымайтын мүлік инфляциядан қорғаныс құралы ретінде қарастырылуда.