ITS халықаралық сауда платформасы 2025 жылғы 6 қарашада әлемнің жетекші технологиялық компанияларының акцияларына арналған бес жаңа Single Stock ETF құралымен сауданы бастады. Енді инвесторлар бұл бағалы қағаздардың үлесін сатып алып, тіпті ең аз салымдармен де дивиденд алу мүмкіндігіне ие болды.

Single Stock ETF басқаруын IPS Capital компаниясы жүзеге асырады. Ол «Астана» халықаралық қаржы орталығы (AIFC) юрисдикциясында тіркелген. Барлық операциялар АҚШ долларында жүргізіледі, ал инвестициялардан алынған кірістер Қазақстанда жеке табыс салығынан босатылады.

«ITSW және ITSS индекс қорларына, сондай-ақ бұрын іске қосылған дивидендсіз Single Stock ETF құралдарына қосымша ұсынылған жаңа құралдар жеке инвесторлардың мүмкіндіктерін айтарлықтай кеңейтеді. Шоттағы 100 доллар көлеміндегі қаражаттың өзімен-ақ әлемдегі ең танымал, америкалық қор нарығының керемет жетілігі атанған компаниялардың акция үлестерін өз қалауынша көбейтіп, осы бағалы қағаздар бойынша дивиденд алуға мүмкіндік бар», – деді ITS халықаралық сауда платформасының басқарушы директоры Александр Дияковский.

2025 жылғы 6 қарашадан бастап ITS платформасында келесі жаңа Single Stock ETF қолжетімді:

  • Apple (AAPL/100) – әлемдегі ең ірі электроника және бағдарламалық қамтамасыз ету өндірушілерінің бірі, тұрақты дивидендтік төлемдерімен танымал;
  • Microsoft (MSFT/100) – бағдарламалық қамтамасыз ету мен бұлттық шешімдердің жетекші жеткізушісі, тұрақты түрде дивиденд төлеп отырады;
  • Nvidia (NVDA/100) – графикалық процессорлар мен жасанды интеллект шешімдері нарығындағы көшбасшы;
  • Alphabet (Google  - GOOG/100) – интернет іздеу, жарнама және жасанды интеллект технологиялары саласындағы жаһандық лидер;
  • Meta Platforms (META/100) – әлеуметтік желілер мен виртуалды шындық саласындағы жетекші компания, 2024 жылдан бастап дивиденд төлей бастады.

Жаңа ETF құралдары қатарын Amazon, Tesla, Netflix, AMD, MicroStrategy, Coinbase және Freedom Holding акцияларына негізделген қолданыстағы жеті құрал толықтырды.

«Біз ITS платформасындағы ETF құралдар желісін одан әрі дамыта береміз, осылайша инвесторлар теңгерімді портфельдер қалыптастырып, әртүрлі инвестициялық стратегияларды жүзеге асыра алатын болады», – деп атап өтті ITS халықаралық сауда платформасының басқарушы директоры Александр Дияковский.

Single Stock ETF инвесторларға акция үлестеріне иелік ету көлеміне пропорционалды түрде дивиденд алуға мүмкіндік береді (доллардың бөлшек бөлігі – центтер ескерілмейді). Мысалы, егер компания бір акцияға 5,75 доллар көлемінде дивиденд төлесе, 1:100 қатынасы бар бір ETF иесі 0,05 доллар алады.

Жаңа құралдың арқасында дивидендтік инвестиция енді шағын бюджеті бар инвесторлар үшін де қолжетімді: мысалы, Apple акциясының жүзден бірі шамамен 2,60 доллар, ал Microsoft акциясының жүзден бірі – 5,20 доллар тұрады.

Жаңа құралдардың ішінде Apple және Microsoft көптеген жылдар бойы тұрақты дивиденд төлеуші ретінде белгілі, ал Meta Platforms 2024 жылы дивиденд төлеуді бастаған. Ал Nvidia жасанды интеллект нарығындағы көшбасшы бола отырып, салыстырмалы түрде аз дивиденд төлейді, бірақ жоғары өсу әлеуетімен тартымды.

Single Stock ETF саудасы тәулігіне шамамен 18 сағат бойы — Астана уақытымен 10:00-ден келесі күнгі 3:45-ке дейін жүргізіледі. Құралға қолжетімділік ITS-ке қосылған брокерлер арқылы қамтамасыз етіледі. Инвестиция көлеміне ең төменгі шектеулер жоқ, бұл құралды жаңа бастаған инвесторлар мен портфелін әртараптандырғысы келетін тәжірибелі трейдерлер үшін де ыңғайлы етеді.

Инвесторлардың назарына: Single Stock ETF құралдары нарықтық тәуекелдерге ие. Олардың құны негізгі акциялардың динамикасына байланысты өсуі де, төмендеуі де мүмкін. Өткен кезеңдегі табыстылық болашақ нәтижелерге кепілдік бермейді. Инвестиция жасау алдында қор құжаттарымен танысып, ықтимал тәуекелдерді бағалау ұсынылады.