Еуразиялық тұрақтандыру және даму қоры (ЕТДҚ) «Халықаралық қаржы институттарының өңірлік жобалары мен бастамалары» атты жыл сайынғы баяндамасын жариялады.

2025 жылы халықаралық қаржы институттары (ХҚИ), даму агенттіктері және климаттық қорлар тарапынан Еуразия өңірінде мақұлданған егеменді қаржыландырудың жалпы көлемі 10,3 млрд АҚШ долларын құрады (2021 жылдан бергі екінші ең жоғары көрсеткіш).

ЕТДҚ-ға мүше мемлекеттерге жалпы қаржыландыру көлемінің 38,9%-ы (3,9 млрд АҚШ доллары) тиесілі. Қаржыландыру негізінен көлік секторындағы инвестициялық жобаларды іске асыруға, сондай-ақ экономикалық саясатты жетілдіруді қоса алғанда, құрылымдық реформаларды қолдауға бағытталды.

Еуразия өңіріндегі елдер арасында 2025 жылы мақұлданған қаржыландыру көлемі бойынша:

• Өзбекстан — 4,9 млрд АҚШ доллары (мақұлданған қаражаттың жалпы көлемінің 47,9%-ы)
• Қазақстан — 1,5 млрд АҚШ доллары
• Армения — 1,1 млрд АҚШ доллары
• Қырғызстан — 981,3 млн АҚШ доллары (2013 жылдан бергі ең жоғары көрсеткіш)
• Тәжікстан — 369,6 млн АҚШ доллары

Қаржыландырудың негізгі көлемін дәстүрлі түрде инвестициялық жобалар қамтамасыз етеді (7,5 млрд АҚШ доллары), ал тұрақтандырулық қолдау 2,5 млрд АҚШ долларын құрады. Техникалық көмек салыстырмалы түрде шағын көлеміне қарамастан (0,3 млрд АҚШ доллары), операциялар саны бойынша ең үлкен үлесті (217 жоба) құрайды және сараптаманы беру мен институционалдық әлеуетті нығайтуда шешуші рөл атқарады.

Халықаралық қаржы институттарының назары климаттық күн тәртібіне де ерекше аударылуда, оның ішінде климаттың өзгеруіне бейімделу, жаңартылатын энергия көздерін дамыту және «жасыл» қаржы құралдарын енгізу жобалары бар.

Өңірде цифрлық трансформацияны қолдау күшейіп келеді: халықаралық қаржы институттары жекелеген жобаларды іске асырудан цифрлық инфрақұрылымды, мемлекеттік басқаруды және қаржы секторын жүйелі дамытуға бағытталған ауқымды бағдарламаларға көшуде.