Көлік кептелісі бойынша ең нашар елдердің рейтингінде Қазақстан 87 елдің ішінде 47-орынға тұрақтады. Еліміздегі көлік қозғалысы индексі 133,9-ды құрады. Индекс жол жүру уақытын, ұзақ жүруге байланысты қанағаттанбауды, қозғалыс жүйесіндегі тиімсіздікті және СО2 тұтынуын бағалайды, деп хабарлайды finprom.kz

Рейтингке сәйкес, ҚР азаматтарының жұмысқа бару жолындағы орташа уақыты бір жаққа 34,73 минутты құрайды. ҚР-дағы СО2 шығарындыларының индексі 4119,35 құрады, бұл екі бағыттағы жұмыс сапары кезіндегі СО2 шығарындыларының бағалауы.

ТМД елдерінің ішінде Ресей, Әзірбайжан және Украина* көрсеткіштері Қазақстаннан нашар, ал Беларусь елдерінің көрсеткіштері жақсырақ болып шықты.

Ең қарқынды қозғалыс Нигерия, Коста-Рика және Шри-Ланкада тіркелді, ең жақсы көрсеткіштер Аустрия, Финляндия және Эстонияда.

Биылғы жылдың қаңтар-шілде айларында ҚР-да көлік-логистика секторының негізгі капиталына салынған инвестициялар 593,4 млрд теңгені құрады, бұл бір жыл бұрынғыдан құндық мәнде 7,8% көп (нақты көлемнің нақты өсімі – 5,2%).

Күрделі салымдардың басым бөлігі Алматы қаласына түсті: 107,5 млрд теңге, жылдық өсім – бірден 65,2%. Одан кейін Алматы (64,1 млрд теңге, 17,2% зайған) және Атырау (56,5 млрд теңге, 97,1% көбейген) облыстары.

Салаға инвестицияның ең аз көлемі жаңадан құрылған Ұлытау облысында (мұндай өңірлер бойынша статистиканың ерекшеліктерімен түсіндіріледі), сондай-ақ Павлодар және Түркістан облыстарында күтілуде.

Күрделі салымдардың негізгі бөлігі кәсіпорындардың меншікті қаражаты есебінен болды: портфельдің 56,3%-ы немесе 333,9 млрд теңге, бұл бір жыл бұрынғыдан ақшалай түрде 34,6% көп.

Қаражаттың тағы 20,1%-ы республикалық бюджеттен қарастырылған: 119,5 млрд теңге, 22,3% көбейген. Жергілікті бюджеттен 63,5 млрд теңге, банктік емес қарыз қаражат – 57,4 млрд теңге, банк несиелері – 19,2 млрд теңге инвестиция тартылды.