Биылғы жылдың бірінші жартыжылдық қорытындысы бойынша, мемлекеттік бюджеттің ауыл, су, орман және балық шаруашылығына, сондай-ақ ерекше қорғалатын табиғи аумақтарға, қоршаған ортаны қорғауға және жануарлар дүниесін дамытуға жұмсалған шығындары 305,3 млрд теңгені құрап, былтырғыдан 11,2% көбейді, деп хабарлайды finprom.kz.

Анықтама үшін: 2021 жылғы қаңтар-желтоқсанда сала бойынша мемлекеттік бюджет шығындары 7,4% өсіп, 717,9 млрд теңгені құрады. Мемлекеттік бюджет шығындарының жалпы көлемінде агроөнеркәсіп кешенінің үлесі 3,1%-4,4% аралығында.

Банктік несиелендіруге келетін болсақ, мұнда биылғы жылдың қаңтар-маусым айларында ауыл, орман және балық шаруашылығына бағытталған несиелердің көлемі 156,7 млрд теңгені құрады, былтырғы сәйкес кезеңмен салыстырғанда 16,4% көп.

Жалпы, 2021 жылғы қаңтар-желтоқсанда секторды несиелендіруге бағытталған несие көлемі 279,3 млрд теңгеге жетті, бұл былтырғыдан бірден 65,1% артық.

Биылғы жылдың бірінші жартыжылдығында тиісті кезеңдерде ҚР-дағы несиелердің жалпы көлеміндегі ауыл шаруашылығы несиелерінің үлесі 1,5%-ды, 2021 жылғы қаңтар-желтоқсанда 1,3%-ды құрады.

Өңірлер бойынша, биылғы жылдың алты айында АӨК-ке бағытталған несиелердің ең көп көлемі Алматы қаласында берді: 72,7 млрд теңге, 2021 жылдың қаңтар-маусымымен салыстырғанда бірден 60% көп.

Үздік үштікте Қостанай (19,7 млрд теңге, 9,3% азайған) және Солтүстік Қазақстан (13,4 млрд теңге, 2,6% көбейген) облыстары бар.

Қазақстанның ауылдық елді мекендері мен шағын қалаларының тұрғындары ауыл шаруашылығы саласындағы жобаларды жүзеге асыру үшін шағын несие ала алады, деп хабарлайды ҚР Премьер-Министрінің ресми ресурсы. Бұл үшін 40 млрд теңге көлемінде бюджет қаражаты қарастырылған.