2025 жылғы қаңтар–тамыз айларында елдегі құрылыс жұмыстарының көлемі 18,1% өсіп, 4,85 трлн теңгеге жетті. Бұл кейінгі жылдардағы ең жоғары серпіндердің бірі.
Атқарылған жұмыстардың негізгі бөлігі:
• жолдар мен метро құрылысына – 24,3%;
• тұрғын емес ғимараттарға – 21,8%;
• тұрғын үйлерге – 13% тиесілі.
Өңірдегі динамика
Өсім 18 өңірде тіркелді. Ең жоғары қарқын:
• Қызылорда облысы – +44,6%;
• Солтүстік Қазақстан – +41,5%;
• Батыс Қазақстан – +37,5%;
• Қостанай – +35,6%;
• Жетісу – +29,6%;
• Түркістан – +27,2%.
Алайда екі өңірде керісінше төмендеу байқалды. Олар – Атырау (-30%) мен Ұлытау облыстары (-13%). Бұл аймақтарда құрылыс белсенділігі баяулап, жалпы республикалық трендтен оқшауланып отыр. Сарапшылар мұны аймақтық инвестиция көлемінің азаюымен және инфрақұрылымдық жобалардың кешеуілдеуімен байланыстырады.
Тұрғын үй және әлеуметтік нысандар
Пайдалануға берілген тұрғын үй көлемі 4,5% артып, 10,9 млн шаршы метрді құрады. Оның ішінде:
• 21,1 мың жеке үй,
• 1,1 мың көппәтерлі үй,
• 23 жатақхана.
Білім беру саласында 145 мың оқушыға арналған 140 жаңа мектеп салынды (оның 55-і ауылдық жерде). Сонымен қатар 4,2 мың орынға арналған 27 балабақша ашылды, олардың 15-і ауылда орналасқан.
Жаңа мектептердің көбі Түркістан облысында (21), Астанада (17) және Жамбыл облысында (14) пайдалануға берілді. Балабақша бойынша да Түркістан алда – 8 нысан.
Елдегі құрылыс секторы жалпы өсім көрсеткенімен, Атырау мен Ұлытау өңірлеріндегі төмендеу аймақтық теңсіздікті көрсетеді. Республикалық деңгейде құрылыс инфрақұрылымы жаңа қарқын алғанымен, кейбір өңірлерде инвестициялық белсенділік әлсіреп отыр.