2022 жылдың басынан бері бөлшек сауда айналымы шамамен 6,1 трлн теңгені құрады, деп хабарлайды LS.

Ағымдағы жылдың қаңтар-маусым айларындағы Ұлттық статистика бюросының мәліметінше, бұл көрсеткіш 2021 жылдың сәйкес кезеңімен салыстырғанда 1,2%-ға өсті.

Сауданың жалпы көрсеткішіндегі азық-түлік тауарларының үлесі 32,9%-ды (2 трлн. теңгеден сәл астам), азық-түлік емес тауарлар – 67,1%-ды (4,1 трлн. теңгеден астам) құрады.

Бұл ретте азық-түлік тауарларын сату 6,3%-ға төмендесе, азық-түлік емес тауарларды сату 5,4%-ға өсті.

Азық-түлікке сатып алуды ең көп азайтқандар Ақтөбе облысы (33%), Алматы облысы (29,2%), Абай облысы (25,2%) және Алматы (15,9%).

Қостанай (31%), Павлодар (26,7%) және Маңғыстау (10,6%) тұрғындары керісінше көбейтті.

Азық-түлік емес тауарларды сатып алуды Шымкент (19,7%) және Павлодар облысының (9,1%-ға) тұрғындары азайтса, Алматы облысы (27,5%) мен Абай облысында (22,5%) керісінше көбейтті.

Алты айда ірі бөлшек сауда кәсіпорындарының бөлшек саудадағы үлесі 70,6%-ды (дерлік 4,3 трлн. теңге), ал жеке кәсіпкерлер мен қала базарларының үлесі 29,4%-ды (1,8 млрд. теңгеге жуық) құрады.

Республикадағы көтерме сауда 2022 жылдың басынан бері 14,5 трлн теңгеден асты (өсім 8,5%).