Binance Kazakhstan Binance жетекші блокчейн-экожүйесінің Қазақстандағы аймақтық үйлестіруші компаниясы Alatau city Bank-пен бірлескен жаңа фиаттық арнаның іске қосылғанын хабарлайды. Пайдаланушылар жаңа фиаттық арна арқасында цифрлық активтеріне жылдам әрі ыңғайлы қол жеткізе отырып, қаржыны комиссиясыз қазақстандық теңгемен (KZT) және АҚШ долларымен (USD) толықтырып, шығарып ала алады.
Әріптестіктің бастау алуы Binance Kazakhstan аймақтық қаржылық инфрақұрылымының маңызды даму кезеңін айқындайды. Платформа пайдаланушыларына цифрлық активтермен жұмыс істеу мүмкіндіктерін кеңейте отырып, қаражатты басқару кезінде үлкен икемділікті қамтамасыз ететін комиссиясыз АҚШ долларында қаржыны толықтыру және шығарып алу арнасы қолжетімді болады. Сонымен қатар, пайдаланушылар қазақстандық теңгемен тегін қаржыны толықтыру және шығарып алу мүмкіндігін сақтайды.
Қол жетімді серіктес банктердің тізімін кеңейту арқылы Alatau City Bank-пен жасалған жаңа интеграция дәстүрлі банк жүйесі мен цифрлық активтер арасындағы алмасуларды одан әрі қолжетімді етеді. Пайдаланушылар шотты толықтырғаннан кейін фиаттық балансты пайдалана отырып, реттелетін Binance Kazakhstan платформасында цифрлық активтерді жедел сатып алу және сату мүмкіндігіне ие болады.
Жаңа фиаттық арна үшін келесідей операциялық лимиттер белгіленді: толықтырудың ең төменгі сомасы 1 000 KZT құрайды. Бір толықтыру операциясының ең жоғары сомасы - 2,5 млн KZT. Қаражатты алу үшін ең төменгі лимит белгіленбеген, ал бір операцияның ең жоғарғы сомасы 6,5 млн KZT құрайды. Қаражатты толықтыру және алу қазақстандық теңгеде де, АҚШ долларында да комиссиясыз қолжетімді.
«Alatau City Bank-пен бірлесіп жаңа фиаттық арнаны іске қосу шотты толықтырудың қолжетімді тәсілдерін кеңейтеді және Binance Kazakhstan пайдаланушыларына қаражатты ұлттық валюта теңгемен де, АҚШ долларымен де комиссиясыз толықтыруға және шығаруға мүмкіндік береді. Бұл цифрлық активтердің жергілікті экожүйесін дамытудағы маңызды қадам және реттелетін криптоиндустрия мен Қазақстанның дәстүрлі банк секторы арасындағы тиімді ынтымақтастықтың тағы бір мысалы», - деп түйіндеді Binance Kazakhstan бас менеджері Нұрхат Көшімов.
Alatau Сity Bank-тің Цифрлық активтер жөніндегі басқарушы директоры Ұлан Хаким: «Біз дәстүрлі банк инфрақұрылымы мен цифрлық активтер индустриясы арасындағы байланыстың артуында үлкен мүмкіндіктерді көріп отырмыз. Пайдаланушылар үшін банктің Binance Kazakhstan мен серіктестігі банктік шот пен цифрлық активтер платформасы арасында қаражат аударудың қарапайым және сенімді әдісін ұсына отырып, бұл процесті барынша ыңғайлы етуге мүмкіндік береді. Біз осындай шешімдерді дамытуды және Қазақстанның жаңа цифрлық экономикасына сәйкес келетін инфрақұрылымды қалыптастыруды жалғастырамыз», - деп атап өтті.
Binance Kazakhstan «Астана» (AIFC) халықаралық қаржы орталығының реттеу шеңберінде пайдаланушылардың заманауи цифрлық қаржылық сервистерге қолжетімділігін кеңейте отырып, Қазақстанның қаржы нарығындағы жетекші қатысушылармен жергілікті қаржылық шешімдерді және ынтымақтастықты дамытуды жалғастырады.
Binance Kazakhstan пайдаланушылары қазірдің өзінде Alatau City Bank арқылы комиссиясыз қаржыны толықтыру және алу үшін жаңа фиаттық арнаны пайдалана алады.