Азық-түлік жыл басына бергі жылғы төрт айда 5,5%, азық-түлік емес тауарларға – 1,7%, ақылы қызметтерге 1,5% жоғарылады.
Жалпы, был басынан бері инфляция 3,2 пайыз болды.
Азық-түлік былтырдан бері 10,4% өсті.
Нан өнімдері және жармалар, ет, балық және теңіз өнімдері, сүт өнімдері, жұмыртқа, май және тоңмай, кондитерлік өнімдер, жаңа жиналған көкөністер мен жемістер, алкогольсіз сусындар және алкогольді ішімдіктер қымбаттады, ал қант арзандады.
2020 жылғы сәүірде жарма өнімдері тобында қарақұмық жармасына орташа бағасы килограмына 349 теңгені (2019 жылғы сәүірде – 243 теңге), сұлы жармасына – 357 теңгені (334 теңге), сөкке – 372 теңгені (285 теңге), күрішке 373 теңгені (333 теңге) құрады.
Құмшекердің орташа бағасы 2020 жылғы сәүірде килограмына 213 теңгені, 2019 жылғы сәүірде 243 теңгені құрады.
2020 жылғы сәүірде сүт өнімдерінен сүзбеге орташа баға килограмына 1637 теңгені (2019 жылғы сәүірде – 1562 теңге), қаймаққа – 1136 теңгені (1050 теңге), айранға – 305 теңгені (285 теңге), пастерленген сүтке 260 теңгені (240 теңге) құрады.
2020 жылғы сәүірдегі азық-түлік тауарларының жекелеген түрлеріне орташа бағалар килограмм теңгемен
| Қазақстан Республикасы бойынша | Баға | Қалада тіркелген | ||||
| 2019 жылғы сәүір | 2020 жылғы сәүір | ең төмен | ең жоғары | ең төмен баға | ең жоғары баға | |
| Бірінші сұрыпты бидай ұнынан пісірілген нан | 137 | 150 | 132 | 178 | Алматы | Атырау |
| Сиыр еті жауырын-төс бөлігі | 1 575 | 1 882 | 1 557 | 2 169 | Ақтөбе | Алматы |
| Сүйегі бар қой еті | 1 502 | 1 814 | 1 448 | 2 451 | Орал | Нұр-Сүлтан |
| Жылқы еті | 1 789 | 2 128 | 1 815 | 2 486 | Түркістан | Алматы |
| Шошқа еті жауырын бөлігі | 1 342 | 1 509 | 1 217 | 1 859 | Павлодар | Алматы |
| Шала ысталған шұжық | 2 071 | 2 202 | 1 462 | 3 339 | Қызылорда | Нұр-Сүлтан |
| Тауықтың сан еті | 753 | 847 | 757 | 979 | Ақтөбе | Нұр-Сүлтан |
| Мәйекті ірімшік | 2 604 | 2 865 | 2 208 | 3 743 | Атырау | Нұр-Сүлтан |
| Тұздалмаған сары май | 2 185 | 2 515 | 2 090 | 4 015 | Павлодар | Ақтау |
| Күнбағыс майы, литр | 433 | 434 | 381 | 484 | Қараганды | Ақтау |
| Жұмыртқа, ондық | 265 | 298 | 247 | 364 | Петропавл | Алматы |
| Тұз | 52 | 52 | 37 | 58 | Ақтөбе | Алматы |
| Картоп | 87 | 124 | 83 | 169 | Петропавл | Алматы |
| Ақ қауанды қырыққабат | 200 | 124 | 93 | 150 | Қараганды | Ақтау |
| Басты пияз | 99 | 104 | 74 | 145 | Тараз | Нұр-Сүлтан |
| Сәбіз | 108 | 115 | 85 | 157 | Қараганды | Ақтау |
| Алма | 364 | 474 | 389 | 655 | Тараз | Қараганды |
| Банан | 521 | 557 | 483 | 663 | Ақтөбе | Ақтау |
Ал, өнеркәсіптік өнімдерге өндіруші кәсіпорындардың бағасы ағымдағы жылғы төрт айда (2020 жылғы сәуір 2019 жылғы желтоқсанға) 12,5% төмендеді. Бағаның кен өндіру өнеркәсібінде 23,8% төмендеуі, олардың өңдеу өнеркәсібінде 0,7% жоғарылауі байқалды. Өнеркәсіптік өнімдер 14% арзандады, өнеркәсіптік сипаттағы көрсетілетін қызметтер 2,3% қымбаттады.
Өткен айда өндіруші кәсіпорындар бағасы мазутқа - 34,3%, мұнайға - 31,1%, бензинге - 10,1%, дизель отынына 6,8% төмендеді, металл кендеріне - 9,4%, табиғи газға - 9%, сұйытылған пропан және бутанға - 4,9%, көмірге 1,4% жоғарылады.
Бағаның мырышқа - 8,6%, қара металдар илегіне - 5,6%, мысқа - 4,1%, қорғасынға 3,5% төмендеуі, олардың асыл металдарға - 9,7%, алюминийге 5% жоғарылауы байқалды.
Өндірушілер бағасының жармаларға - 6,9%, мал етіне - 4,8%, құс етіне - 0,9%, бидай ұнына - 5,1%, қара бидай ұнына - 3,6%, шайға - 3,9%, сүт өнімдеріне - 3,3%, қантқа - 3,1%, күрішке - 2,9%, макарон өнімдеріне және өсімдік майына - 2,2%-дан, нанға 1,1% жоғарылауы тіркелді.