Биылғы қаңтар-қазан айларында денсаулық сақтау және әлеуметтік қызмет көрсету саласындағы негізгі капиталға салынған инвестиция көлемі 168,9 млрд теңгені құрады, бұл 2021 жылдың сәйкес кезеңімен салыстырғанда (ФКИ – 115,1%) құндық мәнде 18,1% артық, алайда 2020 жылғы қаңтар-қазанмен салыстырғанда 16,1% аз, деп хабарлайды finprom.kz.

Өңірлер бойынша денсаулық сақтау және әлеуметтік қызмет көрсету саласына инвестицияның ең көп көлемі Астанаға түсті: 51,1 млрд теңге. Сондай-ақ Жамбыл (15,6 млрд теңге) және Шығыс Қазақстан (15,3 млрд теңге) облыстарында да айтарлықтай қаржы құйылды. Күрделі салымдардың ең аз көлемі Атырау және Ұлытау облыстарына тиесілі: тиісінше 447,6 млн және 496,6 млн теңге. 

Денсаулық сақтау және әлеуметтік қызмет көрсету саласына инвестицияның ең көп көлемі жергілікті бюджеттер есебінен, сондай-ақ кәсіпорындардың меншікті қаражаты есебінен: тиісінше 53,7 млрд және 53,4 млрд теңгені құрады.

Республикалық бюджеттен құйылған инвестиция 35,1 млрд теңгені, банктік емес несиелер 21,5 млрд теңгені, банк несиелері 5,2 млрд теңгені ғана құрады. 

Денсаулық сақтау және әлеуметтік қызмет көрсету саласындағы орташа айлық атаулы жалақы 2022 жылдың үшінші тоқсанында 245,2 мың теңгені құрады, бұл орташа республикалық деңгейден (299,8 мың теңге) 18,2% аз. Анықтама үшін: бір жыл бұрын айырмашылық 7,6% болған.

Саладағы жалақының сатып алу қабілеті 2021 жылдың үшінші тоқсанымен салыстырғанда 6,4% төмендеді, жалпы ҚР-да бұл көрсеткіштің өсуі 5,8%-ды құрады.

Өңірлер бойынша денсаулық сақтау және әлеуметтік қызмет көрсету саласындағы ең жоғары жалақы Астана қаласында байқалды: 313,7 мың теңге – республикадағы саладағы орташа жалақыдан 27,9% артық. Ең төменгі көрсеткіш Шымкентте тіркелді: 212,7 мың теңге – ҚР бойынша орташа деңгейден 13,2% төмен.