2022 жылғы қаңтар-желтоқсанда ҚР-дан шетелге ақша аударымдары жүйесі (ААЖ) арқылы жіберілген қаражат көлемі 1 трлн теңгеден асты, бұл 2021 жылдың сәйкес кезеңімен салыстырғанда 2,7% артық, деп хабарлайды finprom.kz.

Айта кетерлігі, Қазақстаннан шетелге аударылатын аударымдардың жылдық көлемі екінші жыл қатарынан 1 трлн теңгеден асып отыр.

Бұл ретте транзакциялар саны 2,6 млн-нан 2,5 млн-ға дейін азайды, бұл шетелге бір аударым бойынша орташа түбіртекті 2021 жылғы 391,5 мың теңгеден 2022 жылы 415,3 мың теңгеге дейін арттырды.

Қазақстаннан аударылған барлық аударымдардың жартысынан көбі Өзбекстан мен Түркияға жіберілген. Өзбекстанға 289,8 млрд теңге (2021 жылғы қаңтар-желтоқсанға қарағанда 2,9% аз), Түркияға 271,9 млрд теңге (2021 жылға қарағанда 28,9% көп) жөнелтілді. Ресейге де қомақты қаржы жіберілді: 196 млрд теңге, дегенмен бұл 2021 жылмен салыстырғанда 10,6% аз.

ҚР-дан жөнелтілген ақша көлемі бойынша алғашқы 5 елдің қатарына Қырғызстан (73,9 млрд теңге) және Грузия (70,9 млрд теңге) кірді, ал былтырғымен салыстырғанда Қырғызстанға аударым көлемі екі есеге жуық азайса, Грузияға керісінше 2,2 есе өсті.