2022 жылғы қаңтар-қарашада ҚР-дан шетелге халықаралық ақша аудару жүйелері (ААЖ) арқылы 962,7 млрд теңге жөнелтілді, бұл 2021 жылдың сәйкес кезеңімен салыстырғанда 4,5% артық, деп хабарлайды ranking.kz.

11 айда транзакциялар саны 2,6% азайып, 2,3 млн болды, бұл шетелге бір аударымның орташа сомасын 391,5 мың теңгеден 419,9 мың теңгеге дейін ұлғайтты.

2022 жылдың қаңтар-қараша айларында ҚР-дан шетелге ААЖ арқылы аударылған ақшаның жартысынан астамы тек Өзбекстан мен Түркияның үлесіне тиді: тиісінше 276 млрд теңге және 250,5 млрд теңге. Бұл ретте Өзбекстанға аударым көлемі өткен жылмен салыстырғанда 0,9% азайып, Түркияға, керісінше, бірден 32,4% өсті.

Аударымдардың айтарлықтай көлемі сонымен қатар Ресей (175,6 млрд теңге) мен Қырғызстанға (71,6 млрд теңге) тиесілі.

Грузияға аударымдар көлемінің айтарлықтай өсуі байқалды: 2,5 есе көбейіп, 64,8 млрд теңгеге жетті. Айта кетейік, Түркия мен Грузия да мобилизациядан қашқан ресейліктер үшін танымал елдер.

Ақша аударымдары жүйелерінің ішінде 2022 жылғы қаңтар-қарашада ҚР-дан шетелге жіберілген қаражаттың жалпы көлемінің 76,7%-ы тек Ресейдің «Золотая Корона» үлесіне тиді: 738,5 млрд теңге. Одан кейін Contact (128,9 млрд теңге) және Western Union (59,9 млрд теңге) жүйелері.