Қор биржасында акция мен облигация саудасы көбейді

KASE биржалық нарықтың 2023 жылдың тамыз айындағы жұмысының қорытындысын ұсынады

 Қазақстан қор биржасы (KASE) 2023 жылдың тамызындағы қызметтің негізгі қорытындылары туралы хабарлайды:

• KASE сауда-саттығының жиынтық көлемі 2023 жылдың тамызында 40,5 трлн теңгені құрады және шілдеге қатысты 5,2% немесе 2,0 трлн теңгеге өсті.
• Тамыз айының қорытындысы бойынша KASE Индексінің мәні 4,3% өсіп, 3 866,13 тармақты құрады.
• Акциялар нарығын капиталдандыру 5,7%, 25,3 трлн теңгеге дейін өсті, сатылатын корпоративтік борыш көлемі 1,6%, 203,7 млрд теңгеге дейін өсті.
• 2023 жылдың 01 қыркүйегіндегі жағдай бойынша KASE сауда-саттық тізімдерінде 614 атаудағы 226 эмитенттің мемлекеттік емес бағалы қағаздары болды.
• 2023 жылдың 01 қыркүйегіндегі жағдай бойынша Орталық депозитарийде жеке тұлғалардың 683,3 мың дербес шоты болды. Тамыз айының қорытындысы бойынша жеке тұлғалар 1 312 жаңа дербес шотты тіркеді.

АКЦИЯЛАР НАРЫҒЫ

2023 жылдың тамыз айының қорытындысы бойынша акциялар нарығын капиталдандыру 25,3 трлн теңгені (54,8 млрд USD) құрады, бұл 1,4 трлн теңгеге немесе өткен айдың ұқсас көрсеткішінің 5,7% жоғары. Өсудің негізгі үлесі индекстік компанияларға олардың акцияларының бағаларын түзету арқылы келді.

Тамыз айында акциялармен сауда-саттық көлемі 31,9 млрд теңгені құрап, шілдеге қатысты 94,1% немесе 15,5 млрд теңгені құрады. Бұл ретте мәмілелер саны 12,8%, 60 068-ге дейін төмендеді. Сауда-саттықтың орташа тәуліктік көлемі 1 451,3 млн теңгені, мәмілелердің орташа тәуліктік саны – 2 730 теңгені, бір мәміленің орташа көлемі – 531,6 мың теңгені құрады. Акциялар нарығындағы сауда-саттық тек қайталама нарықта өтті.

Инвесторлардың негізгі санаттарының ішінде жеке тұлғалардың үлесіне акциялармен жасалған мәмілелердің жалпы көлемінің 39,4%-ы тиесілі болды. Банктердің үлесіне – 5,0%, брокерлік-дилерлік ұйымдардың үлесіне – 9,1%, басқа институционалдық инвесторлардың үлесіне – 10,3%, басқа заңды тұлғалардың үлесіне – 36,1% тиесілі болды. Бейрезиденттердің үлесі 27,4% құрады.

KASE ИНДЕКСІ

Тамыз айында KASE Индексінің мәні 4,3%-ға өсіп, айдың соңына қарай 3 866,13 тармақты құрады. Осылайша, KASE Индексі өткен жылдың шығынды біржола қалпына келтіріп, жазғы маусымды жаңа тарихи биіктерде аяқтады. Жыл басынан бері жергілікті нарық жасыл аймақтағы сегіз айдың жетеуін жауып, барлығы 18,9% қосты.

Индекстік акциялармен мәмілелер көлемі 2023 жылдың тамызында 23,8 млрд теңгені құрады, бұл 2023 жылдың шілдесіндегі көрсеткіштен 60,4% немесе 9,0 млрд теңгеге жоғары. Сауда-саттықтың ең көп көлемі – 18 456,4 млн теңге (индекстік акциялармен сауда-саттықтың жалпы көлемінің 77,5%) – ҚазМұнайГаз ҰК АҚ-ның жай акцияларына тиесілі болды.

KASE өкілдік тізіміне кіретін акциялар бағасының өзгеруі

Бір айдағы ең жоғары өсу қарқынын Kaspi.kz АҚ-ның жай акциялары көрсетті, олар 12,7% өсті. Kaspi.kz АҚ акционерлерінің 23 тамызда өткен кезектен тыс жалпы жиналысы бір акция үшін 750 теңге мөлшерінде ұсынылған дивидендтер төлемін бекітті.

Екінші орында 12,3% нәтижесімен Қазатомөнеркәсіп ҰАК АҚ жай акциялары бір айды аяқтады. Уран компаниясы 01 тамызда бірінші жартыжылдықтағы өндірістік нәтижелерді хабарлады, оған сәйкес уран өндірісі 2%, 10,2 мың тоннаға дейін өсті, бұл ретте сату 6%, 9,5 мың тоннаға дейін өсті. 25 тамызда қаржылық нәтижелер ұсынылды, оған сәйкес 2023 жылдың бірінші жартыжылдығындағы таза пайда 222,3 млрд теңгені құрады, бұл өткен жылдың сәйкес кезеңінен 33% жоғары.

Көшбасшылардың үштігін Кселл АҚ жай акциялары жабады, олар бір акция үшін 4,2% 1 980 теңгеге дейін өсті.

ҚазМұнайГаз ҰК АҚ акциялары IPO болған күннен бастап бір айды ең жоғары бағамен – бір акция үшін 11 100 теңге деңгейінде аяқтады. 01 тамызда компания бірінші жартыжылдықтағы өндірістік нәтижелерді хабарлады, оған сәйкес аталған кезеңде компания мұнай өндіруді 10,1%, 11,9 млн тоннаға дейін, газ өндіруді 16,5%, 4,8 млн м³ дейін, мұнай тасымалдауды 5,8%, 39,3 млн тоннаға дейін, мұнай өңдеуді 4,0%, 10,1 млн тоннаға дейін ұлғайтты. 22 тамызда компания 2023 жылдың бірінші жартыжылдығындағы есепті жариялады, оған сәйкес компанияның таза пайдасы 36,6%, 492 млрд теңгеге дейін төмендеді.

ҚазТрансОйл АҚ акциялары бір айда 0,7%, 818,99 теңгеге дейін төмендеді. Компания 18 тамызда өткен жылдың сәйкес кезеңімен салыстырғанда 2023 жылдың бірінші жартыжылдығындағы таза пайданың 28,4%, 20,3 млрд теңгеге дейін өсуі туралы есеп берді. 2023 жылдың қорытындысы бойынша ҚазТрансОйл 2022 жылға төленген көлемнен кем емес 15 млрд теңгеден астам сомада дивидендтер төлеуге ниетті.

Қазақтелеком АҚ акциялары бір акция үшін 1,5%, 33 098 теңгеге дейін төмендеді. 23 тамызда компания Транскаспий талшықты-оптикалық байланыс желісін салу және пайдалану үшін AzerTelecom компаниясымен бірлесіп құрылған CASPINET B.V.-дағы 50% қатысу үлесінің иесі болғанын хабарлады.

Индекстік компаниялар арасында бір ай ішінде ең үлкен төмендеу Қазақстан Халық банкі АҚ-ның жай акциялары тіркелді, олар бір акция үшін 1,9%, 161,73 теңгеге дейін төмендеді.

16 тамызда Банк өткен жылдың сәйкес кезеңімен салыстырғанда 2023 жылдың бірінші жарты жылдығындағы таза пайданың 27%, 365,1 млрд теңгеге дейін өсуі туралы есеп берді.

КОРПОРАТИВТІК ОБЛИГАЦИЯЛАРЫ

Айналыстағы корпоративтік борыш көлемі 2023 жылдың тамызында 1,6% немесе 203,7 млрд теңгеге 13,2 трлн теңгеге (28,7 млрд USD) дейін өсті.

2023 жылдың тамыз айының соңында KASE ресми тізімінде 92 Эмитенттің 371 шығарылымының корпоративтік облигациялары болды. 2023 жылдың тамыз айында KASE ресми тізіміне бес Эмитенттің корпоративтік облигацияларының бес шығарылымы (үш жаңа) енгізілді: бір шығарылым бойынша Swiss Capital (Свисс Капитал) МҚҰ ЖШС, Capital Leasing Group (Капитал Лизинг Груп) ЖШС, BRBAPK ЖШС, Алтын Сапа АLМ ЖШС және Ел Орда Арнау ЖШС.

2023 жылдың тамызда KASE ресми тізімінен екі эмитенттің корпоративтік облигацияларының екі шығарылымы алынып тасталды: Қазақстандық орнықтылық қоры АҚ және FIVE BROKERS' CAPITAL АҚ бір шығарылымынан айналым мерзімінің аяқталуына байланысты.

KASE_BMY корпоративтік облигацияларының кірістілік индексінің мәні 2023 жылдың тамызында 3 базистік тармаққа төмендеп, жылдық 14,05 % құрады.

KASE корпоративтік облигациялармен сауда-саттық көлемі шілдеге қатысты 54,4% немесе 50,0 млрд теңгеге 141,7 млрд теңгеге дейін өсті. Сауда-саттықтың орташа тәуліктік көлемі 6,4 млрд теңгені (қайталама нарықта – 2,4 млрд теңге), мәмілелердің орташа тәуліктік саны – 179 мәмілені (қайталама нарықта – 172 мәмілені), бір мәміленің орташа көлемі – 35,9 млн теңгені (қайталама нарықта – 14,2 млн теңге) құрады.

2023 жылдың тамызында корпоративтік облигациялардың бастапқы нарығының көлемі 88,3 млрд теңгені құрады, бұл 2023 жылдың шілдесіндегі көрсеткіштен 2,3 есе немесе 50,5 млрд теңгеге жоғары:

Инвесторлардың негізгі санаттары бөлінісінде корпоративтік облигациялардың бастапқы нарығында банктердің үлесі 36,1 %, брокерлік-дилерлік ұйымдардың – 4,3 %, басқа институционалдық инвесторлардың – 28,4 %, өзге заңды тұлғалардың – 28,1 %, жеке тұлғалардың – 3,0 % құрады. Корпоративтік облигациялардың бастапқы нарығындағы бейрезиденттердің үлесі 13,2 % құрады.

Облигациялардың қайталама нарығындағы сауда-саттық көлемі 2023 жылдың шілдесіне қатысты 0,9% немесе 0,5 млрд теңгеге 53,5 млрд теңгеге дейін төмендеді.

Инвесторлардың негізгі санаттары бөлінісінде корпоративтік облигациялардың қайталама нарығында банктердің үлесі 12,9 %, брокерлік-дилерлік ұйымдардың – 10,6 %, басқа институционалдық инвесторлардың – 11,5 %, өзге заңды тұлғалардың – 47,2 %, жеке тұлғалардың – 17,9 %. құрады. Бейрезиденттердің үлесі 24,1 % құрады.

МЕМЛЕКЕТТІК БАҒАЛЫ ҚАҒАЗДАР (МБҚ)

KASE-де саудаланатын номинал бойынша мемлекеттік борыш сомасы тамыз айында 0,5% немесе 134,2 млрд теңгеге төмендеп, 25,3 трлн теңгені (54,7 млрд USD) құрады.

KASE-дегі МБҚ сауда-саттығының жиынтық көлемі 451,1 млрд теңгені құрады және шілдеге қатысты 54,2% немесе 534,1 млрд теңгеге төмендеді. 2023 жылдың тамызының қорытындысы бойынша сауда-саттықтың орташа тәуліктік көлемі 20,5 млрд теңгені (қайталама нарықта – 9,4 млрд теңге), мәмілелердің орташа тәуліктік саны – 21 (қайталама нарықта – 17), бір мәміленің орташа көлемі – 993,7 млн теңгені (қайталама нарықта – 565,4 млн теңге) құрады.

МБҚ бастапқы нарығындағы сауда-саттық көлемі 62,0 %-ға немесе 397,9 млрд теңгеге 243,6 млрд теңгеге дейін төмендеді. Оның 6,6 млрд теңгесін Қостанай облысы мен Алматы қаласының әкімдіктері (мемлекеттік бағдарламаларды іске асыру шеңберінде көзделген іс-шараларды қаржыландыру мақсатында) тартты. Қаржы министрлігі облигацияларды жылдық 11,70-14,70%-бен және өтеу мерзімі 0,6 жылдан 12,9 жылға дейін орналастырып, 237,0 млрд теңге тартты.

Бастапқы нарықтағы инвесторлардың негізгі санаттары бөлінісінде банктердің үлесіне – 43,7%, брокерлік-дилерлік ұйымдардың – 0,4%, басқа институционалдық инвесторлардың – 33,9%, басқа заңды тұлғалардың – 22,0% тиесілі болды. Бейрезиденттер МБҚ бастапқы нарығындағы сауда-саттыққа қатысқан жоқ.

Қайталама нарықтағы сауда-саттық көлемі 39,6% немесе 136,2 млрд теңгеге төмендеп, 207,5 млрд теңгені құрады. Қайталама нарықтағы Ұлттық Банк ноталарымен сауда-саттық үлесі сауда-саттықтың жалпы көлемінен 49,8% немесе 103,3 млрд теңгені құрады, оның ішінде МЕКАМ үлесі – 46,2% немесе 95,8 млрд теңгені, Қазақстан Республикасы еурооблигацияларының үлесі – 1,2% немесе 2,4 млрд теңгені құрады. 2,9% немесе 5,9 млрд теңгені құрайтын қалған көлем шет мемлекеттердің МБҚ-мен (АҚШ Қаржы министрлігінің, Оман Сұлтандығының, Түрік және Австрия Республикаларының облигациялары) мәмілелерге келді.

Қайталама нарықтағы инвесторлардың негізгі санаттары бөлінісінде банктердің үлесіне 53,7%, брокерлік-дилерлік ұйымдардың – 3,9%, басқа институционалдық инвесторлардың – 10,2%, басқа заңды тұлғалардың – 29,0%, жеке тұлғалардың – 3,2% тиесілі болды. Бейрезиденттердің қатысуы 3,0%-ға бағаланады.

ЖЕКЕ ТҰЛҒАЛАРДЫҢ БАҒАЛЫ ҚАҒАЗДАР НАРЫҒЫНДАҒЫ ШОТТАРЫ

2023 жылдың 01 қыркүйегіндегі жағдай бойынша Орталық депозитарийде жеке тұлғалардың 683,3 мың дербес шоты болды. тамыз айының қорытындысы бойынша жеке тұлғалар 1 312 жаңа дербес шотты тіркеді.