Биыл Наурыз мейрамында 5 күн – 21-25 наурыз аралығында демалыс болды. Әр қалада әкімдіктер ұйымдастырған мерекелік шаралардан басқа, қазақстандықтар киноға, спорттық іс-шараларға, цирк қойылымдарына, концерттерге барып, театрландырылған қойылымдар мен басқа да ойын-сауық шараларына белсенді қатысты.  

Ticketon.kz онлайн билеттерін сату қызметінің мәліметінше, демалыс күндері  қаралым жағынан алғашқы орында тұрған «Пейіш. Жұмақ ананың табанының астында» фильміне 21676  билет сатылды. Екінші орында мереке күндері ең көп қаралған «Кунг-фу Панда 4» мультфильмі болды. Прокатқа 21 наурызда шыққан «Приговор» қазақ-қырғыз драмасына 10 000-нан астам билет сатылып, қаралым жағынан үшінші орынға тұрақтады.

Спорттық шаралар да қазақстандықтарды бейжай қалдырмады. Осылайша, «Қазақстан – Мажарстан U21» матчына 3800 көрермен жиналды. 1 921 жанкүйер қатысқан «Семей» ФК мен «Қайрат» КФК арасындағы футбол матчы тартысты өтті.

Ойын-сауық шараларының ішінде Астанада өткен аты аңызға айналған Юрий Никулин циркі қойған «Ақ жолбарыс шоуы» қойылымын атап өткен жөн. Оған 2950 билет сатылған. Алматыдағы «Aquamarine суындағы цирк» шоуы да мереке күндері жоғары деңгейде өтіп, 2806 көрерменді қуантты. «Қарағандыдағы цирк» қойылымына 1610 билет сатып алынып, қаладағы мереке күндерінің жетекші шоуына айналды.

Мереке күндері, Ticketon компаниясының мәліметі бойынша, киношоуларға 70 мыңнан астам, түрлі концерттерге 14 мыңнан астам және театр қойылымдарына осыншама билет сатылған. Наурыз мейрамын тойлауға арналған спорттық шараларға 8 мыңға жуық билет, цирк қойылымдарына 7500 билет, балаларға арналған іс-шараларға 1800 билет сатып алынды.

Ticketon мәліметтері бойынша, әр күні 25 000-ды қамтитын ең көп билет 21 және 22 наурызда сатылды.

Күні бойынша әртүрлі іс-шараларға сатылған билеттер санына келетін болсақ, 21 наурызда ең танымал оқиға «Астана - Уралмаш» ВТБ Біріккен Лигасының матчы болды, онда 1 744 билет сатылды, сонымен қатар «Пейіш. Жұмақ ананың табанының астында» фильміне 2715 билет сатылды.

22 наурызда ең көп билет Алматыда өткен «Aquamarine суындағы цирк» шоуына (1 712 билет) және «Кунг-фу Панда 4 (2024)» мультфильмінің көрсетіліміне (3 146 билет) сатылды.  

Наурыздың 23-і күні Алматыдағы «Aquamarine суындағы цирк» шоуына 1712 билет, сондай-ақ «Пейіш. Жұмақ ананың табанының астында» фильміне 4501 билет сатып алынды.

24 наурызда «Семей» ФК - «Қайрат» КФК спорттық шарасы 3358 көрерменді жинап, «Пейіш. Жұмақ ананың табанын астында» фильміне  4900 билет сатылды.

Мерекелік демалыстың соңғы күнінде, 25 наурызда Петропавлда өткен «МузАРТ» тобының концертіне 1324 билет сатылды, сондай-ақ «Пейіш. Жұмақ ананың табанының астында» фильміне Қазақстан бойынша 5066 билет сатылған.

«Жыл сайын Наурыз мейрамы кезінде ойын-сауық іс-шараларының сатылымының тұрақты өсіп жатқанын байқауға болады, бұл жолы Наурыз мейрамындағы тауар айналымы 2023 жылмен салыстырғанда 30%-ға өсті. Сонымен қатар соңғы жылдары балаларға арналған іс-шараларға билеттер өте көп сатылып жатқандығын атап өткім келеді. Елімізде қазақстандық шығармашылық ұжымдардан да, шетелдіктерден де балаларға арналған көптеген іс-шаралар ұйымдастырылды. Көптеген жыл бойы балаларға арналған қойылымдар мен іс-шаралар мазмұны жағынан да, саны жағынан да төмен болып келгендіктен, бұл өте жігерлендіреді. Өскелең ұрпақты тәрбиелеу үшін балалардың талғамын оятатын, сонымен қатар балаларды ойын-сауық мазмұнын тұтыну мәдениетіне үйрететін іс-шаралардың қаншалықты маңызды екенін түсіндірудің қажеті жоқ», - деп атап өтті “Freedom Ticketon” сервисінің бас директоры Виктория Торгунакова.